ناسنامەیا کوردەکی دنێ ب ئیشکەنجەیا ھەپەگێ ھاتی قەتلکرن، ھاتە ئەشکەرەکرن

 پەکەکە ژ رۆژەڤا زێدە یا ھلبژارتنان سوود وەردگرە، ب نووچەیێن ھێسان ھەول ددە گەلەک ونداھی و بوویەرێن کو ناخوازە زێدە تێکەڤە رۆژەڤێ نها بەلاڤ دکە. ژ بۆ ڤێ ژی ناڤێ ب دەھان گەریلایێن کو ب سالان بەرێ ژییانا خوە ژ دەست دانە د پێڤاژۆیا ھلبژارتنێ دە ئەشکەرە دکە. نھا ژی ناڤێ سڤیلەکی کو وان کوشتیە ئەشکەرە کر.

 چەتین گوونگۆر د سالا 2019 دە ل شرنەخێ دەما د  کارگەھا کۆمرێ دە کار دکر ژ ئالیێ پەکەکێ ڤە ھاتبوو رەڤاندن. چەتین خەلکێ ناڤچەیا دێرگولەیا سەر ب شرنەخێ ڤە بوو. پەکەکێ سەدەما رەڤاندنا گوونگۆر ئەشکەرە نەکر. ھەر چەند دەم ب دەم مالباتا وی ھەول دا دووڤچوونێ بکە ژی لێ ناسنامەیا وی ئەشکەرە نەدکر.

 د مەھا نیسانا سالا بۆری دە مەدیایا ترکیێ راگھاندبوو کو ل جوودی جەنازەیەکی ئیشکەنجەکری ھاتیە دیتن.  ل گۆری نووچەیێ، کەسەکی ژ پەکەکێ ڤەقەتیایی جھێ جەسەدێ چەتین گوونگۆرە کو ب ئیشکەنجەیێ ھاتیە کوشتن ئەشکەرە کربوو. ل گۆری نووچەیێ چەتین ب ئیشکەنجەیێ ھاتیە کوشتن.

 پشتی نووچەیێن د مەدیایا ترکیێ دە ھاتین بەلاڤکرن، پەکەکێ ژ بۆ کو بوویەرێ ڤەشێرە پەیامەک بالکێش بەلاڤ کر. ل گۆری داخویانیا ھێزا لەشکەرییا پەکەکێ ئانکو ھەپەگێ چەتین گوونگۆر “ژ بۆ لگەل وی نیقاشێ بکن برنە با خوە و پشتی دەمەکێ کورت ژ بەر کریزا دل ژیانا خوە ژ دەست دا”.  ھەر وھا ھەپەگێ د داخویانیا خوە دە گۆت، “ئەم سەرساخیێ ژ بۆ مالباتێ وی دخوازن، مە ژی نەکاری بوو ڤێ بوویەرێ زەلال بکن.

 ژ سالا 2019 و ڤر ڤە، د دەربارێ گوونگۆر دە هەپەگێ چ داخویانی نەدایە. مالباتا وی گەلەک جاران ل شرنەخ و سلۆپیایێ چوون جەم ھەدەپێ و بانگی پەکەکێ کرن کو کورێ وان بەردن. ھەتا تێ ئیددیعاکرن کو ھندەک ئەندامێن مالباتێ چوونە ھەرێما کوردستانێ وارگەھا مەخموورێ لگەل رایەدارێن پەکەکێ ھەڤدیتن کرنە، لێ پەکەکێ گۆتیە وان “مە چ ئاگاھی ل سەر ڤێ بوویەرێ نینە.”

 ھەتا کو دەولەتا ترک جەنازە نەدیت، پەکەکێ ئیدیعا دکر کو چەتین گوونگۆر نە ل گەل وان نە.  دەما کو جەنازە ھاتیە دیتن پەکەکێ ژی بەلگەیەک بەلاڤکر. ئەشکەرەیە کو داخویانیا پەکەکێ راستیێ نیشان نادە. ژ بەر کو پەکەکە ب سیستەما تەکمیل و مخابەرا رۆژانە ژ ھەموو ھەرێم و قادێن گەریلا ئاگاھیان وەردگرە. ئاگاھیا ھەپەگێ ھەبوو کو مەتین ھاتییە کوشتن. لێ ژ بۆ پەکەکێ چ قیمەتا ژیانا کوردەواری نینە، لێ پشتی داخویانیا دەولەتا ترک بەجبوور ما کو  ل سەر مژارێ داخویانیێ بدە.

 چەتین گوونگۆر کوردەکی زەوجییە فەقیرە و خوەدی زارۆکە. لۆما ژی ژ بەر هەژاریێ دچوو ل کارێ کۆمرێ دا کار دکر. ژییانا کوردەکی وھا ژ بۆ پەکەکێ زێدە نە گرینگە. برنا بابەکێ، ئێتیم مایینا زارۆکان و بەلاڤبوونا مالباتان بۆ پەکەکێ نە گرینگە. د دیرۆکا پەکەکێ یا 40 سالان دا ب ھەزاران بوویەرێن وەکە چەتین گوونگۆر ھەنە. ب ھەزاران کوردێن بێگونەھ ب تاوانێن دەرەو ھاتنە ئیشکەنجەدان و کوشتن. پشترا ژی پەکەکێ خوە وەکە خەشیم نیشان دایە و بێدەنگ مایە. راستیا پەکەکێ یا کو دبێژە ئەزێ دەمۆکراسی و مافێن مرۆڤان بەلاڤی جیھانێ بکم د ڤێ جینایەتا چەتین گوونگۆر دە ڤەشارتییە. ھندی کو کورد چاڤێن خوە ل کریارێن پەکەکێ بگرن دێ جینایەتێن مینا کوشتنا چەتین گوونگۆر ژی زێدە ببن.