ڤێ ھەفتیێ دەریێ سینۆریێ نوویێ ناڤنەتەوی یێ زێت د ناڤبەرا ھەرێما کوردستانێ و ترکیێ دە ب فەرمی تێ ڤەکرن. پشتی سالەک کارکرنا بەردەواما ل سەر پرۆژەیا چێکرنا رێیا سەرەکییا دەریێ ناڤنەتەوییێ د ناڤبەرا ھەرێما کوردستان و ترکیێ دە ئەو دەری ڤەدبە.
ئیرۆ 8/5/2023 سەرپەرەشتێ ئیدارەیا سەربخوەیا سۆران ھەلگورد شێخ نەجیب راگەھاند: “د مەراسیمەکا فەرمی دە و ب ئامادەبوونا بەرپرسێن حکوومەتا ھەرێما کوردستان و ترکیێ، ڤێ ھەفتیێ دێ ب فەرمی دەریێ سینۆرێ ناڤنەتەوییێ زێت دێ ژ گەشتیاران رە بێ ڤەکرن و د قۆناغا دویەم دە ژی کار ژ بۆ وێ یەکێ تێ کرن کو ب رێیا وی دەری ڤە تەڤگەرا بازرگانی ژی بێ کرن.”
ھەروھا ب ئارمانجا گۆتووبێژ کرنا رەوشا ئەولەھیا ناڤچەیێ رۆژا 7/5/2023یێ سەرفەرماندارێ وەزارەتا پێشمەرگە یێ حکوومەتا ھەرێما کوردستانێ فەریق روکن عیسا عوزێر، ل گەل شاندەیەکی و چەند بەرپرسێن لەشکەری ڤە سەردانا دەریێ سینۆر کرن و ژ ئالیێ قایمەقامێ قەزا مێرگەسۆر ڤە یەکەم جار ئالا کوردستانێ ل وی دەریێ سینۆر ھات بلند کرن.
دەریێ زێت یێ ناڤنەتەوی دکەڤە سینۆرێ ناحیەیا شێروانا مەزنا ل قەزا مێرگەسۆرا سەر ب ئیدارەیا سەربخوەیا سۆران و دبە یەک ژ دەریێن نوویێ ناڤنەتەوی د ناڤبەرا ھەرێما کوردستان و ترکیێ دە.
