ل دەڤەرا بارزان، مەشقا فەرمانداریا ھێزێن پشتەڤانیا یەک ل ژێر چاڤدێریا ھێزێن ھەڤپەیمانان برێڤە چوو و ھێزێن ھەڤپەیمانان بەردەوامیا خوە ژ بۆ پشتەڤانیکرنا ھێزێن پێشمەرگە دوبارە کرن.
فەرماندارێ ھێزێن پشتەڤانیا یەک سیھاد بارزانی ژ بۆ مالپەرا فەرمانگەھا مەدیا و زانیارییا حکوومەتا ھەرێما کوردستانێ راگھاندیە، ئەو ھەموو ھەولدانێن خوە ژ بۆ پێشڤەبرنا ئاستا زانست و زانیاریا سەربازییا ھێزێن پێشمەرگە دکن.
دەربارێ راھێنانا سەربازی دە، فەرماندارێ فەرمانداریا ھێزێن پشتەڤانیا یەک دیار کر، گرینگیا راھێنانێن ب ڤی رەنگی ھەیە، دا کو ھێزێن پێشمەرگە ھەر دەم ژ بۆ دەما شەری ئامادە بن.
ژ ئالیەکی دن ڤە، فەرماندارێ ھێزێن ئالمانیایێ ل کوردستانێ و فەرماندارێ ھێزێن ھۆلاندایێ ل کوردستانێ د ئاخافتنەکە خوە دە ژ فەرمانگەھا مەدیا و زانیاری رە دیار کرنە کو ھەڤپەیمانیا ناڤدەولەتی د دەما بۆری دە وەک ھەڤاھەنگیا شێورێ و دابینکرنا کەلووپەلێن سەربازی، ئالیکاریا ھێزێن پێشمەرگە کرنە و د سبەرۆژێ دە ژی بەردەوام دبن.
