وهلاتیهكێ باژارۆكێ دهركارێ یێ ل سینۆرێ پارێزگهها دهۆكێ، د ئهنجاما تهقینا مایینهكا رێخستنا پهكهكێ ده بریندار كهت، پهكهكێ ئهو مایین ل نێزی جوا ئاڤا گوندێ دوورنهخێ دانابوو.
چاڤكانیێن پێگهها داركامازی ئهشكهره كرن، وهلاتیێ ب ناڤێ حهسهن سهیفهددین كو ئهرهبهیا خوه ئا ژ جۆرێ حهفاره كارێ پاقژكرن و ڤهكرنا جوا گوندێ دوورنهخێ یێ گرێدای باژارۆكێ دهركارێ دكر، مایینهك ب ئهرهبهیا وی ڤه تهقیا و بریندار كهت.
دهستنیشان كر كو ئهڤ بوویهر ل 23 مهها رابووری چێبوویه.
رۆژا ئینی 28 نیسانا 2023ێ ژی، TNT یەکه پەکەکێ ب دو وەلاتیێن ئامێدیێ ڤە تەقیا کو ژ بۆی کۆمکرنا گیایێ بوهارێ بەرێ خو دابوون چیایێ ئهلهۆ یێ مهتینایێ، یهك ژ وان ب ناڤێ دلشاد عهبدولرهحمان ژیانا خوه ژ دهست دا و وهلاتیێ دن ب ناڤێ نهجیب عومهر بریندار كهتبوو.
ژ سالا 2020 ڤە ب دەهان مایین و TNT یێن پەکەکێ ل سینۆرێ پارێزگەهیا دهۆکێ تەقیانە کو پەکەکێ پرانی ژێ ل سەر رییا پێشمەرگەهان دانابوون و د سالا 2021ێ دا پهكهكێ 15 TNT ل سهر رێیا گوندێن دهۆكێ دانابوون، پرانی ژێ ژ هێلا هێزێن ئهولههیێ ڤه هاتن ژ ناڤ برن.