له‌شكه‌ره‌كێ ترك و دو گه‌ریلا هاتن‌ كوشتن

وەزارەتا بەرەڤانیێ یا ترکیێ راگهاند، ل ناڤچەیا «ئۆپەراسیۆنا پەنچە-کلیت» یا د ناڤ ئاخا هەرێما کوردستانێ دا لەشکەرەکی وان ژ ئالیێ په‌كه‌كێ ڤە هاتیە کوشتن، هه‌موه‌خت دو گه‌ریلا ژ هێلا له‌شكه‌رێن وان ڤه‌ هاتن كوشتن.

د داخویانیێ دە وەزارەتا بەرەڤانیێ یا ترکیێ راگهاندیە، د 12ێ گولانا 2023ێ دا ل ناڤچەیا «ئۆپەراسیۆنا پەنچە-کلیت» یا ل ناڤ ئاخا هەرێما کوردستانێ لەشکەرێ وان یێ ب ناڤێ محه‌مه‌د کوچوک د ئەنجاما، گولەبارانا په‌كه‌كێ دە هاتیە کوشتن.

وەزارەتا بەرەڤانیێ یا ترکیێ راگهاند کو د بەرسڤدانا گولەبارانا په‌كه‌كێ دا 2 ئەندامێن په‌كه‌كێ هاتنە کوشتن.

ئۆپەراسیۆنا «پەنجە-کلیت»، د 18ێ نیسانا 2022ێ دا ل ناڤچەیێن مەتینا، زاپ و ئاڤاشین-باسیانێ هاتبوو دەست پێ کرن.