ئیستخباراتێ ده‌وله‌تا ترك د ئۆپەراسیۆنه‌كێ ده ل باکورێ سووریێ، حه‌یده‌ر ده‌میره‌ل بەرپرسیارێ گشتی یێ ئەیالەتا هۆلێ یا رێخستنا په‌كه‌كێ كوشت.
ل گۆر ئاگاهیێن ئاژانسا ئه‌نادۆلێ كو ئیرۆ رۆژا شه‌می 13/5/2023ێ پارڤه‌كرنه، حه‌یده‌ر ده‌میر به‌رپرسێ په‌كه‌كێ یێ ب كۆدناڤێ “باگەر ترک” وەکی بەرپرسیارێ گشتی یێ ئەیالەتا هۆلێ، ل تەل حه‌میس یا ل باکورێ سووریێ هاته كوشتن.
حه‌یده‌ر ده‌میره‌ل د سالا 1993ان ده تەڤلی په‌كه‌كێ بوویە و د ناڤبەرا سالێن 1993-1994ان ده ژ رێبه‌رێ په‌كه‌كێ عه‌بدوللا ئۆجالان پەروەردە دیتیە.
د سالا 2000ی ده ل قەندیلێ دبە بەرپسیار، د سالا 2013ان دا دچە زاپێ و د سالا 2014ان دا ژی دەرباسی رۆژئاڤا كوردستانێ دبە.
میتێ د 4ێ گولانێ دا ل چیایێ گارێ كوشتنا ئه‌حمه‌د گوموشێ بەرپرسێ مه‌شقا هێزێن په‌كه‌كێ و د 5ێ گولانێ دا ژی نێچیرڤان سەڤەنوو بەرپرسێ هێزا لۆژیستیک یا تایبەت راگه‌هاندبوو و د 7ی گولانێ دا كوشتنا به‌رپرسێ هێزا تایبه‌ت زه‌رده‌شت كاراده‌نیز راگه‌هاندبوو، هه‌روه‌ها د 10 گولانێ ده كوشتنا ده‌نیر به‌حری بەرپرسێ ھێزا تایبەت یا تیما ھەواڤانییێ، ل هه‌مان رۆژێ بەرپرسێ پۆستە و گەهاندنێ یێ ھێزێن تایبەت یێ پەکەکێ موسلوم ئورپەر د ئێریشه‌كه میتێ ده هاتیه كوشتن.
رێخستنا په‌كه‌كێ ده‌ربارێ ڤان فه‌رماندارێن خوه یێن كو تركیێ كوشتنا وان ب وێنه ڤه پارڤه‌كری، ته‌نێ دبێژه تركیه ده‌ره‌وان دكه.
