شرۆڤەکارێن سیاسی و چاڤدێر تەکەز دکن کو یەکەم پرۆسەیا تەرۆرکرنا سیاسی ل رۆژئاڤایێ کوردستانێ، کو ب دەستێ پەکەکێ ل باژارێ کۆبانێ ھاتیە ئەنجامدان سالا 1985 دە بوو.
یەکەم قوربانیێ پرۆسەیا تەرۆرکرنا سیاسی ب دەستێ پەکەکێ خەباتکارێ کورد عەبدی نعسانە، کو د 11 گولانا 1985 دە ب پلانەکا رێژیما سووریێ و ب دەستێن پەکەکێ ھات تەرۆرکرن.
عەبدی نعسان سالا 1947 ژ داییک بوویە، ژ یەک ژ زانینگەھێن تورکیێ بەشێ دەرمانسازیێ دەرچوو، ل باژارێ کۆبانێ وی دەرمانخانەیەک ھەبوو.
سالا 1978 تەڤلی تەڤگەرا سیاسی بوو، ب رەفتار و رەوشتا خوەیا پاک د جڤاکا کوردی دە دھات ناسکرن، ھەر دەم بەرەڤانی ژ دۆزا کوردی و مافێ رەوایێ گەلێ کورد دکر، بانگا یەکرێزیا ناڤمالا کوردی دکر.
یەک ژ ھەلوێستێن وی ئەو بوو کو دڤێت کورد لگەل ئۆپۆسزیۆنێ ببن یەکدەنگ ل ھەمبەر رێژیما ستەمکار کار بکن، لەوما بوو ئارمانجا رێژیما سووریێ و پەکەکێ.
د مالا خوە دە پێشوازیا عەبدولاھ ئۆجەلان سەرۆکێ پەکەکێ کر، لێ پشتی شەھید کری، پەکەکێ دەستێ خوە دانی سەر مالا وی.
د 11 گولانا 1985 دە ھات تەرۆرکرن، ب وێ یەکێ دبە یەکەم پرۆسەیا تەرۆرکرنا سیاسی ب دەستێ پەکەکێ ل رۆژئاڤایێ کوردستانێ.
