گرووپێن چەکداران يێن ئۆپۆزسیۆنا سووریێ یێن ب ئارتێشا ترکیێ رە هەرێما عەفرینێ داگیر کرنە، 3 وەلاتیێن کورد رەڤاندن.
رێخستنا مافێن مرۆڤان ل عەفرینێ د راپۆرتەکێ دە بەلاڤ کر، چەکدارێن گرووپا «پۆلیسا لەشکەری» رۆژا 10ێ گولانێ 3 وەلاتی ژ باژارێ عەفرینێ رەڤاندن و هەتا نها چارەنڤیسا وان نه دیارە.
دا زانین ژی، چەکداران ئەو هەر سێ کەس، محەمەد حەسەن ژ تاخا مەحموودیێ، مەسعوود خەلیل ژ تاخا کەڤن یا عەفرینێ و سیدۆ حسێن داوود ژی ژ تاخا ناڤا باژارێ عەفرینێ رەڤاندنە.
ل گۆری رێخستنا مافێن مرۆڤان، ئەڤ کریارێن رەڤاندن د چارچۆڤەیا شەرێ چەکداران ل دژی نیشتەجیهێن رەسەن یێن کورد تێن، ب ئارمانجا ستاندنا فدیەیێ و خستنا فشارا ل سەر وان ژ بۆ كو ژ گوند و ملکێن خوە کۆچبەر ببن.
