چاڤکانیێن مافێن مرۆڤان ئەشکەرە کرن کو میلیشیایێن ب ناڤێ “جوانێن شۆرەشگەر”یێن ب سەرپەرشتیا کادرۆیێن پارتیا کارکەرێن کوردستانێ (پەکەکێ) تەڤ دگەرن زارۆکەک تەمەن بچووک ل باژارێ رەقا ل باکورێ سووریێ رەڤاند، دا کو وی ب دارێ زۆرێ لەشکەر بکن.
تۆرا چاڤدێریا مافێن مرۆڤان یا سووریێ د داخویانیەکێ دە راگھاند، “جوانێن شۆرەشگەرێن سەر ب ھێزێن سووریا دەمۆکراتیک (ھەسەدێ) ڤە زارۆکێ ب ناڤێ «محەمەد نوور ئەحمەد رەمەزان» یێ 16 سالی کو ژ باژارێ رەقایێ یە رەڤاند و ئەو برن کامپێن تەجنیدکرنا زارۆکان.
هەر وەها ڤێ تۆرا چاڤدێریا مافێن مرۆڤان راگهاند، “تەڤی ھەولدانێن مالباتا وی ژ بۆ لێگەرینا وی و سەری لێدان ل ھەموو دەزگەھێن ھێزێن سووریەیا دەمۆکراتیک، لێ وان رەد کر کو وی زارۆکی ژ مالباتا وی رە ڤەگەرینن.”
تۆرەیێ تەکەز کر، “(ھەسەدە) ھین ژی بنپێکرنێن خوەیێن ل دژی سڤیل و زارۆکان ددۆمینە، و زارۆکان دگرە و درەڤینە و وان دگھینە کامپێن تەجنیدکرنێ و وان نەچاری شەرێن لەشکەری دکە.”
تۆرەیێ بانگ ل جڤاکا ناڤدەولەتی و رێخستنێن مافێن زارۆکان کر کو ئەرکێن خوە ب جھ بینن، زارۆکان بپارێزن، و فشارێ ل ھەسەدێ بکن دا کو رەڤاندنا زارۆکان راوەستینە و وان تەڤلی کریارێن لەشکەری نەکە، و تەکەزی ل سەر پێویستیا ڤەگەراندنا ھەموو زارۆکێن رەڤاندی ژ بۆ مالباتێن وان کر.
