هه‌ده‌پێ نێزی 20% یا ده‌نگێن خو كێم كرینه‌

هه‌ده‌پێ نێزی 20% یا ده‌نگێن خو كێم كرینه‌

پارتییا ده‌مۆكراتیكا گه‌لان كو د هلبژاتنا ڤێ جارێ یا تركیێ ده‌ ل سه‌ر ناڤێ پارتییا چه‌پا كه‌سك ته‌ڤلی بوو، ب ته‌نێ 56 كورسی ب ده‌ست خستنه‌ د ده‌مه‌كی دە کو د هلبژارتنا رابووری دە 67 كورسی ب ده‌ست خستبوون.

پاش راگهاندنا ئه‌نجامێن نه‌فه‌رمی یێن هلبژارتنێن پارلەمه‌نتۆ و سه‌رۆككۆمارییا تركیێ كو دوهـ رۆژا یه‌كشه‌می 14/5/2023 ل تركیێ و باكورێ كوردستانێ برێڤه‌چوون، ئه‌شكه‌ره‌ بوو كو پارتییا ده‌مۆكراتیك یا گه‌لان هه‌ده‌په‌ كو خوه‌ ب نوونه‌را كوردێن باكور دده‌ ناسكرن، ده‌نگێن خوه‌ ب رێژه‌یا نێزی 20% وه‌ندا كرنه‌.

د هلبژارتنا ڤێ جارێ دە پارتییا چه‌پێن كه‌سك “هه‌ده‌پێ”، 8.8% یا ده‌نگان ب ده‌ست خستن كو دبنه‌ 61 كورسی ل گور ئه‌نجامێن نه‌فه‌رمی. د ناڤا ڤێ تفاقێ ده‌ هه‌ده‌پێ 56 كورسی ب ده‌ست خستنه‌.

لێ به‌لێ د هلبژارتنا رابووری یا 2018ێ ده‌ هه‌ده‌پێ ب ته‌نێ ته‌ڤلی هلبژارتنێ بوو و ل وێ ده‌مێ 67 كورسی و رێژه‌یا 11.7% یا ده‌نگان ب ده‌ست خستبوون.

هه‌ده‌پێ د هلبژارتنا سالا 2018 ده‌ 5 ملیۆن 867 هزار و 302 دەنگ ب دەست خستبوون کو ب ڤێ یەکێ‌ 67 پارلەمانتەر شاندبوون پارلامانتۆیێ، ئانگۆ 11.7% ژ سه‌رجه‌مێ ده‌نگده‌رێن تركیێ كو ب قاسی  59.354.840 ده‌نگدەران بوون‌.

لێبه‌لێ د هلبژارتنا ڤێ جارێ 2023 ده‌، پارتییا چه‌پێن كه‌سك “هه‌ده‌پهێ”، 4 ملیۆن و 730 هزار و 783 دەنگ ئانکو 61 كورسی ده‌ستخستن، ئانگو 8.8 % ژ سه‌رجه‌مێ ده‌نگده‌رێن تركیێ كو ب قاسی  64.190.651 ده‌نگدەران بوون. ژ ڤان هه‌ژماران ئه‌شكه‌ره‌ دبه‌ كو هه‌ده‌پێ 11 كورسیێن خوه‌ یێن پارلمه‌نتۆیێ و هه‌ر وها نێزی 20% یا ده‌نگێن خوه‌ وه‌ندا كرنه‌، ئه‌ڤ یێك هه‌موه‌ختا زێده‌بوونا هه‌ژمارا ده‌نگدەران ب رێژەیا پێتری 4 ملیۆن ده‌نگدەرێن نوو تێ.

پوستێن ھەمان بەش