فەرماندارێ هێزێن سووریه‌یا ده‌مۆكراتیك مه‌زلووم عه‌بدی، ل رۆژێن رابووری فه‌رمان دا كو ده‌ریێ سێمالكا ل وی شاندا ئه‌نه‌كه‌سێ بێ گرتن یێ كو دخوه‌ست ژ رۆژئاڤا به‌شداری مه‌راسیما ڤه‌كرنا مۆزه‌خانه‌یا بارزانیێ نه‌مر ببه.
ل رۆژا پێنجشەما رابووری 11/5/2023 ب ئاماده‌بوونا ب سه‌دان سەرۆک و سه‌ركرده و رێبه‌رێن هێز و پارتیێن سیاسی ل ئاستا ئیراقێ و كوردستانێ و كۆنسول و بالیۆزێن ولاتان و نوونه‌را نه‌ته‌وێن یه‌كبوویی مۆزه‌خانه‌یا گه‌نه‌رال و رێبه‌رێ گه‌لێ كورد مه‌لا مسته‌فا بارزانی ل بارزان هات ڤه‌كرن.
شاندا ئه‌نه‌كه‌سێ ژی هاتبوو ڤه‌خوه‌ندن، لێبه‌لێ مه‌زلووم عه‌بدی فه‌رمان دا كو پێشی ل شاندا ئه‌نه‌كه‌سێ بێ گرتن و نه‌هشتن ژ ده‌ریێ سێمالكایێ ده‌رباسی باشوورێ كوردستانێ ببن.
چاڤكانیێن پێگه‌ها داركا مازی ل رۆژئاڤا كوردستانێ ئه‌شكه‌ره كرن كو مه‌زلووم عه‌بدی ب فه‌رمانا راسته‌راست یا جه‌میل باییك رێبه‌رێ په‌كه‌كێ پێشی ل شاندا ئه‌نه‌كه‌سێ گرت و ب رییا رێڤه‌به‌رییا خوه‌سه‌ر ده‌ریێ سێمالكایێ گرتن.
پشتره رێڤه‌به‌رییا خوه‌سه‌ر ژ بۆ كو ڤێ یه‌كێ ڤه‌شێره داخویانی دا و په‌ده‌كه ب گرتنا ده‌ریێ سینۆری سووچبار كر.
خویایە کو په‌كه‌كه نه ته‌نێ ب رێبازا بارزانیێ نەمر هێرس دبه، لێ به‌لێ ده‌ما قالا فكرا بارزانی یا نەتەوی و پابەندبوونا وی یا ب مافێن گەلێ کورد ل کوردستانا سووریێ تێ كرن، ئه‌ڤ یێك دبه سه‌ده‌ما سه‌رئێشییه‌ك گران ژ بۆی په‌كه‌كێ.
پەکەکە و دووڤەلانکێن وێ نە ب تەنێ دەما باس ل رێبازا بارزانی تێ کرن هێرس دبن، بەلکو ب دیتنا کنج و کەلوپەلێن وی یێن تایبەت یێن وەکە چەک و هتد ژی پێتر ژ دوژمنێن کورد و کوردستانێ هێرس دبن، لۆما ل دژی هەر تشتەکی گرێدایی بارزانی و رێبازا وی یا پیرۆز دسەکنن.
