مەکتەب سیاسیێن پەدەکێ و یەنەکێ ل سەر پرسا ئەنجامدانا ھلبژارتنا دجڤن

مەکتەب سیاسیێن پەدەکێ و یەنەکێ ل سەر پرسا ئەنجامدانا ھلبژارتنا دجڤن

بریارە ئیرۆ پارتیا دەمۆکراتا کوردستانێ (پەدەکە) و یەکیتیا نشتمانی یا کوردستانێ (یەنەکە) ل ھەولێرێ بجڤن و دەربارێ ھلبژارتنێن پارلامەنتۆیا کوردستانێ دە گۆتووبێژان بکن.

ئەڤ جڤینا پەدەکێ و یەنەکێ پشتی وێ یەکێ تێ، رۆژا 16ێ ڤێ مەھێ شاندا ھەر دو پارتیان ل بارەگەھا مەکتەبا سیاسی یا یەنەکێ ل سلێمانیێ جڤیان و د داخویانیەکە ھەڤبەش دە راگھاندن، “ھەر دو ئالیان بریار دان کو وەکە تیمەکێ کار بکن و زنجیرەیەک جڤینێن دن ژی بکن ژ بۆ دابینکرنا کەشەکێ لبار د وارێ قانوونی و سیاسی دە، بۆ ئەنجامدانا ھلبژارتنان و رووبرووبوونا کێشەیێن کو ل ھەرێمێ ھەنە.”

پشتی دەستپێشخەریا سەرۆک مەسعوود بارزانی یا ژ بۆ دیالۆگ و یەکخستنا ناڤمالا کوردی، جڤین و دانووستاندنێن د ناڤبەرا پارتیان ب تایبەتی یەنەکە و پەدەکێ دە، ژ بۆ ئەنجامدانا ھلبژارتنێن پارلامەنتۆیا کوردستانێ د دەما خوە دە ھاتن کرن.

د ڤێ چارچۆڤێ دە ژی، رۆژا ئینێ 19ێ گولانا 2023، ھەر دو دەزگەھێن ھەلبژارتنان یێن پەدەکێ و یەنەکێ، ل سەر پرسا سەرەراستکرنا یاسایا ھلبژارتنان و ئاکتیڤکرنا کۆمیسیۆنا بلندا ھەلبژارتن و راپرسیێ ب سەرۆکا پارلامەنتۆ و جیگرێ سەرۆکا پارلامەنتۆیێ جڤیابوون.

پوستێن ھەمان بەش