ئیستخباراتا تركیێ ئیرۆ راگهاند وان به‌رپرسێ راگهاندنا رێخستنا په‌كه‌كێ كه‌سێ ب ناڤێ ئیمره شاهین ل باشوورێ كوردستانێ كوشتییه.
ئاژانسا ئه‌نادۆل یا ده‌وله‌تا ترك ئیرۆ رۆژا دوشه‌می 22/5/2023ێ به‌لاڤ كرییه كو به‌رپرسێ راگهاندنا په‌كه‌كێ ئیمره شاهین یێ ب كۆدناڤێ رۆدی د ئۆپه‌راسیۆنه‌كێ ده ل چیایێ گاره‌ی كوشتنه.
هه‌ر وها ده‌ستنیشان كر، شاهین ل وێ ده‌مێ هاتییه ئارمانج گرتن وه‌ختا ده‌رباسی چیایێ گاره‌ی دبوو.
شاهین ئیمره ژ كه‌سێن نێزی مورات كارایلانه ل سه‌ر رێبازێن نهێنی یێن راگهاندنا په‌كه‌كێ دخه‌بته، د ئۆپه‌راسیۆنا میتێ ده ب پاسه‌وانێ خوه ره هات كوشتن.
میتێ د 4ێ گولانێ دا ل چیایێ گارێ كوشتنا ئه‌حمه‌د گوموشێ بەرپرسێ مه‌شقا هێزێن په‌كه‌كێ و د 5ێ گولانێ دا ژی نێچیرڤان سەڤەنوو بەرپرسێ هێزا لۆژیستیک یا تایبەت راگه‌هاندبوو و د 7ی گولانێ دا كوشتنا به‌رپرسێ هێزا تایبه‌ت زه‌رده‌شت كاراده‌نیز راگه‌هاندبوو، هه‌روه‌ها د 10 گولانێ ده كوشتنا ده‌میر به‌حری بەرپرسێ ھێزا تایبەت یا تیما ھەواڤانییێ، ل هه‌مان رۆژێ بەرپرسێ پۆستە و گەهاندنێ یێ ھێزێن تایبەت یێ پەکەکێ موسلوم ئورپەر د ئێریشه‌كه میتێ ده هاتیه كوشتن، هه‌ر وها ل 13 گولانێ ژی حه‌یده‌ر ده‌میر بەرپرسیارێ گشتی یێ ئەیالەتا هۆلێ كوشتبوو.
