دادگەهەکە ئیرانێ جەزایێ گرتیگەهێ ب سەر مەلایەکی کوردێ ژ پارێزگەها سنەیێ ڤە سەپاند.
ل گۆر چاڤکانیێن مافێن مرۆڤان یێن ل رۆژهلاتێ کوردستانێ، دادگەها مەلایێ کوردێ ژ پارێزگەها سنەیێ مادح کەریمی رۆژا یەکشەمێ 21ێ گولانێ ل دادگەها تایبەتا مامۆستەیێن ئۆلی یا هەمەدانێ هاتیە کرن.
رێخستنا مافێن مرۆڤان یا هەنگاوێ راگهاندیە، دادگەهێ بریار دایە کو جەزایێ سالەک گرتیگەهێ ل مامۆستەیێ ئۆلی یێ کورد مادح کەریمی ببرە.
هاتیە راگهاندن، کو مەلا مادح کەریمی پشتی جڤینا دادگەهێ و بریارا دەربارێ وی دە، ب دانینا کەفالەتێ و ب ئاوایەکی دەمکی هاتیە بەردان.
هەنگاوێ دایە خویاکرن کو ئەو مەلایێ کورد ب «پرۆپاگاندایا دژی رەژیمێ، پشتگریا خوەپێشاندەران، تێکدانا ئەولەهیا گشتی و تێکدانا رایا گشتی» هاتیە تۆهمەتبارکرن.
ئەو مەلایێ کورد سالا بۆری ژی بانگی دادگەهێ هاتبوو کرن.
