رێخستنا پهكهكێ، ئیرۆ كوشتنا ئهندامهكا كۆمیتهیا ناڤهندی یا رێخستنێ ئاشكهره كر كو ژ هێلا ئارتێشا دهولهتا ترك ڤه هاتیه ئارمانج گرتن.
رێڤهبهرییا پهكهكێ ئیرۆ رۆژا چارشهمی 24/5/2023 ب داخویانیهكی كوشتنا ئهنداما كۆمیتهیا ناڤهندی یا رێخستنێ و فهرماندارا یهژا-ستارێ یا ب كۆد ناڤێ «لهیلا سۆرخوین» ئاشكهره كر.
دهستنیشان كر، لهیلا سۆرخوین ل 23 چلهیا ئیسال 2023ان ل ههرێما بهستایێ یا ل باكورێ كوردستانێ ژ هێلا ئارتێشا دهولهتا ترك ڤه، هاتیه ئارمانج گرتن و ژیانا خوه ژ دهست دا یه.
لهیلا سۆرخوین كی یه؟
ناڤێ وێ «حامیهت یالچین كایا» ب كۆدناڤێ «لهیلا سۆرخوین»، ل ئامهدێ ژداییك بووبوو و ل سالا 1993ان تهڤلی پهكهكێ بوویه، ل ههر یێك ژ ئامەدێ، بۆتانێ، زاگرۆسێ و گارێ ئهرك وهرگرتنه، ههری داوی ئهڤ ئهرك و بهرپرسیاری ههبوون:
ئهنداما كۆمیتهیا ناڤهندییا پهكهكێ.
ئهنداما مهجلیسا پاژكێ.
ئهنداما كۆنسهیا فهرماندارییا ههپهگێ.
فهرماندارا یهژا-ستارێ.
ل گۆری داخویانییا پهكهكێ ئهو ل 22 چلهیا ئیسال ب 6 چهكدارێن دن یێن رێخستنێ ره ژ هێلا ئارتێشا تركیێ ڤه، ل ههرێما بهستایێ هاتنه ئارمانج گرتن، لێبهلێ پاش دهرباسبوونا دهمهك درێژ ژ نووڤه رێخستنێ ئیرۆ مرنا وێ ئیفشا كر.