ئەندامەکی ئەنجوومەنا نشتمانییا کورد ل سووریێ دبێژە، رەفتارێن پەکەکێ بوونە سەدەما گرتنا دەریێ سێمالکا-پێشابوورێ و پەکەکە ژی دەریێ سێمالکا-پێشابوورێ وەکە ئاموورەکێ ژ بۆ بەرژەوەندیێن خوە و بەرنامەیا کو دەستنیشان دکە بکار تینە.
ئەندامێ ئەنجوومەنا نشتمانیا کورد ل سووریێ (ئەنەکەسێ) در. کاوە عەزیزی راگەھاند: “گرتنا دەریێ سێمالکا-پێشابوور باندۆرەکە گەلەک خراب ل سەر ژیان و روحیەتا خەلکێ رۆژئاڤایێ کوردستانێ کر. ھەرێما کوردستانێ و رۆژئاڤایێ کوردستانێ، لێ پێوەندیەکە مەعنەوی ژی د ناڤبەرا کوردێن ھەرێما کوردستانێ و رۆژئاڤایێ کوردستانێ دە چێکریە، لەوما گرتنا ڤێ دەریی وەکە قوتکرنا وێ پێوەندیا مەعنەوییە.”
کاوە عەزیزی دبێژە: “مخابن رێڤەبەریا خوەسەر د بن کۆنترۆلا پەیەدێ دەیە، کو باسکێ سیاسییێ پەکەکێیە ل رۆژئاڤایێ کوردستانێ، ژ بەر ڤێ یەکێ رۆژئاڤایێ کوردستانێ ب تەمامی د بن سەروەریا پەکەکێ دەیە. ژ بۆ چارەسەرکرنا پرسگرێکا کورد چ جاری نەھاتنە رۆژئاڤایێ کوردستانێ. رۆژەڤا وان دیارە و دارەکن د دەستێ وەلاتێن ھەرێمێ دە نە.”
سیاسەتمەدارێ کورد ل سووریێ دا زانین کو گرتنا دەری نە مەترسیەک ل سەر پەکەکێیە، بەرۆڤاژی ڤێ یەکێ پەکەکە ب خوە دخوازە پەیوەندیێن مەعنەوی قوت بکە و گۆت: “گرتنا دەری تەنێ باندۆرەکە نەرینی دکە ل سەر گەلێ رۆژئاڤایێ کوردستانێ. دڤێت ھەڤپەیمانیا ناڤدەولەتی و نەتەوێن یەکگرتی چارەسەریەکە داوی ژ بۆ دەری ببینن و د بن کۆنترۆلا پەکەکێ دە نەھێلن، ئەگەر نەبە گەلێ رۆژئاڤایێ کوردستانێ دێ ھەرتم ئەو بریارا نە خوەش، کو ھاتیە گرتن ببھیسە. دەری دەرگەھەکە ژ بۆ مرۆڤاتیێ و خەلکێ ھەرێما کوردستانێ و رۆژئاڤایێ کوردستانێ، نە دەرگەھەکە کو پەکەکە وێ وەکە ئاموورەکێ ژ بۆ دژبەریا گەلێ ھەرێما کوردستانێ و حکوومەتا ھەرێما کوردستانێ بکار بینە.”
ھەری داوی رێڤەبەریا دەریێ سینۆرێ پێشابوور د داخویانیەکێ دە راگھاند کو رەفتارێن پەیەدێ بوونە سەدەم کو پێداچوونێ ل سەر جەوھەرێ پەیوەندیان بکە.
رێڤەبەریا دەریێ سینۆرێ پێشابوورێ د داخویانیەکێ دە راگھاند کو ئەو راستی گەلەک زەخت و خەلەتیێن پارتیا یەکیتیا دەمۆکراتیک (پەیەدێ) ھاتیە کو سیاسەتا تۆھمەتبارکرنا کوردستانێ بەردەوام دکە و خەتا سۆر دەرباس کریە. ژ بۆ گەلێ مە ھەتا کو نەگھێژە ئاستەکە کو ئەم قەبوول نەکن و تەحەموول بکن.”
ھەروھا کاوە عەزیزی دبێژە: “ئەو سیاسەتێن خوەیێن دیکتاتۆری و تەپەسەرکرنێ ددۆمینن. روونشتنا ب دارێ زۆرێ تاکانە بژاردەیا گەلێ مەیە، ژ بەر ڤێ یەکێ دڤێت لێبۆرینێ بخوازە، دڤێت دەری د خزمەتا ھەموو کەسی دە بمینە، نە تەنێ د خزمەتا پارتیەک و دوور ژ دەستوەردانا سیاسی. د چالاکیێ و راستیێ دە، نە ب سلۆگانان.”
ھێژایی گۆتنێیە کو ژ 11 گولانا 2023 ڤە، ب سەدەما رەفتارێن نەگونجایی یێن بەرپرسێن پەیەدێ، دەریێ پێشابووار-سێمالکا جارەکە دن ھات گرتن.
