چاڤکانیەکی ئەولەھیێ ئاشکەرا کر، د وان چەند رۆژێن داویێ دە چەند جارەکان تەنگەزاری ھەتا ئاستا پەڤچوونێ د ناڤبەرا روونشتڤانێن کامپا مەخموور و ئارتێشا ئیراقێ دە پێکھات. سەدەم ژی ئەوە ژ بەر کو ب ئارتێشا ئیراقێ فەرمان ھاتیە دایین، پلانا ئەولەھیا تایبەت ل کامپا مەخموور جێبەجێ بکە.
ھەروەھا دیار کر، زانیاری ھەنە کو د چەند رۆژێن بۆری دە ھەولا کۆلانا خەندەقان ل دۆرا کامپا مەخموور ھاتبوو دایین، ژ ئیرۆ و پێ ڤە ژی ئارتێشا ئیراقێ پلانا ئەولەھیا نوو جێبەجێ دکە و ب ئاخێ ل دۆرا خەندەقان وەک شوورەکێ بلند دکە، پشترە ژی بورجێن رادار و کامیرایێن خوەجهـ دێ بجیھ بکە کو ب ھەموو جورەیەکی کۆنترۆل بکە.
ھەمان چاڤکانیا لەشکەری ئاشکەرا کر، ل گۆر راپۆرتەکی سازیا ئیستخباراتا ئیراقێ، دو ھەزار جوانێن خۆرت و کەچ ژ ئالیێ پەکەکێ ڤە و د ناڤ کامپا مەخموورێ ھاتنە خاپاندن و ژ قەندیل، شنگال و رۆژئاڤایێ کوردستانێ رە ھاتنە شاندن و بەشەک ژ وان ھەتا نھا د شەرێن پەکەکێ دە تێن کوشتن.
ھەمان چاڤکانیێ تەکەز کر، کامپا مەخموورێ کامپەکە سڤیلە و ئێدی د ئاستا ناڤنەتەوی و رێخستنێن ناڤنەتەوی یێن وەک نەتەوێن یەکبوویی دە ئەو یەک نایێ پەژراندن کو کامپەکە سڤیل ببە جیھێ چالاکیێن چەکداری و پەروەردە و راھێنانا گروپێن چەکدار. ژ بەر وێ ژی پلانا ئەولەھیێ یا نوو ل کامپێ تێ جێبەجێ کرن.
