ل باژارێ قامشلۆ یێ رۆژئاڤایێ کوردستانێ ھێزێن سووریا دەمۆکراتیک هەسەدێ، زارۆکەکا 13 سالی رەڤاند.
زارۆک ب مەبەستا لەشکەریا نەچاری ھاتیە رەڤاندن، وەکە ب سەدان زارۆکێن رەڤاندی چارەنڤیسا وێ نە دیارە.
داییکا ڤێ زارۆکا 13 سالی ب داخویانیەکێ دا زانین کو: کەچا وێ یا ب ناڤێ «پەیال محەمەد سالح ئەقیل» دەما ژ ئەزموونێن خوە ڤەدگەریا ژ ئالیێ چەتەیێن پەکەکێ یێن ب ناڤێ “جوانێن شۆرەشگەر” ڤە ھاتیە رەڤاندن.
داییکا پەیال دا زانین ژی: وان ژ من رە ڤیدیۆیا وێ شاند، تێ دە دبێژە کو ب رازیبوونا خوە تەڤلی بوویە، لێ من ئەڤ یەک رەد کر، ژ بەر کو ھین زارۆکە.
داییکێ تەکەز کر کو چقاس ھەول دا خوە بگھینە وێ، لێ ھەول بێ سوود بوون، دەزگەھێن پەیەدێ، کۆنگرا ستار و نڤیسگەھێن پەیوەندیدار رەد کرن کو ئەز ب تەلەفۆنی پێ رە باخڤم.
داییکا جەرگ شەوتی داخوازا ڤەگەراندنا کەچا خوە دکە، لێ گوهێن رایەدارێن پەکەکێ ل رۆژئاڤا وەکە هەرجار کەڕ بوونە و گازیا ڤێ داییکێ ناگەهە گوهێ وان.
