دژە تەرۆرا کوردستانێ ئەشکەرە کر، فرۆکەیێن بێفرۆکەڤانێن ئارتێشا ترکیێ بارەگەھەکە چەکدارێن یەکینەیێن بەرخوەدانا شنگالێ (یەبەشێ)یا ل شنگالێ کرە ئارمانج و د ئەنجامێ دە دو چەکدار بریندار بوون.
دژە تەرۆرا کوردستانێ راگھاند، ل گۆر زانیاریێن دژە تەرۆرا کوردستانێ، ئیرۆ پێنجشەمبێ 1ێ خزیرانا 2023، د دەمژمێر 15:20 خولەک دە، فرۆکەیێن بێفرۆکەڤانێن ئارتێشا ترکیێ، بارەگەھەکە چەکدارێن یەبەشێ ل ناڤەندا قەزایا شنگالێ کرە ئارمانج و د ئەنجامێ دە دو چەکدار بریندار بوون.
ھەروھا بەریا نھا ژی دژە تەرۆرا کوردستانێ راگھاندبوو، سبەھا رۆژا سێشەمبێ 23 گولانا 2023، فرۆکەیێن بێفرۆکەڤانێن ئارتێشا ترکیێ، بارەگەھەکە چەکدارێن یەبەشێ ل گوندێ چووموو-خەلەفێ یێ سەر ب قەزایا شنگالێ کربوو ئارمانج و د ئەنجامێ دە سێ چەکداران جانێ خوە ژ دەست دابوون.
