رەژیما ئیرانێ ل باژارێ مەھابادێ یێ رۆژهلاتێ کوردستانێ کاویان مەولوودییێ 18 سالی ب تاوانا ھلگرتنا ئالایێ کوردستانێ دەستەسەر کر.
ل گۆری راپۆرا سازیا مافێن مرۆڤانا رۆژھلاتێ کوردستانێ، کاویان مەولوودی دەما ژ بۆکانێ ڤەدگەریا مەهابادێ ھات گرتن.
چاڤکانیێن ھەرێمی راگھاندن کو پشتی گرتنا مەولوودی، مالباتا وی ب ھێزێن ئەولەھیێ رە پێوەندی دانی و مالبات هاتیە ئاگاهدارکرن ژ بەر کو کورێ وان ئالا کوردستانێ ھلگرتبوو، ھاتیە گرتن. کاروان سەردانا گۆرا کورێ مامێ خوە سمکۆ مەولوودی کو پار د خوەپێشاندانێن مەھابادێ دە ب گولەیا پاسدارێن ئیرانێ ھاتبوو کوشتن کر و ل ور ئالا کوردستانێ بلند کر.
ل گۆری ھەنگاو تەنێ د مەھا گولانێ دە دەولەتا ئیرانێ 54 کورد گرتنە.
