شەوکەت بەربوھاری: دەریێ سینۆری یێ پێشابوورێ ڤەکرییە

دەریێ سینۆری یێ پێشابووریێ د ناڤبەرا باشوور و رۆژئاڤایێ کوردستانێ دە ئیرۆ دانێ سبێ دەژمێر 09:00، ب ئاوایەکی فەرمی دوبارە ھات ڤەکرن.

رێڤەبەرێ دەریێ پێشابوورێ شەوکەت بەربوھاری راگھاند، دەری ئیرۆ ب ئاوایەکی فەرمی د ناڤبەرا ھەر دو ئالیان دە ل پێش رێڤینکا، خەلکێ باشوور و رۆژئاڤایێ کوردستانێ، خوەدیێن ئیقامەیێن بیانی و کارسازان ھاتیە ڤەکرن.

دیار کر ژی، دەری ل گۆری سیستەما بەرێ، ھەر کەسێ کو بخوازە د ڤی دەریی رە دەرباس ببە، دکارە سەرلێدانا سەرھێلا (ئۆنلاین) بکە و پشتی پەژراندنێ، ب رەنگەک نۆرمال دەرباس ببە.

بەربوھاری دەستنیشان کر ژی، دەری ل تەڤگەرا بازرگانیێ ژی ھاتیە ڤەکرن.

دەریێ سینۆرییێ پێشابوورێ/سێمالکا د ناڤبەرا باشوور و رۆژئاڤایێ کوردستانێ دەیە و ژ دەستپێکا سالا 2013 ڤە، ب فەرمانا سەرۆک مەسعوود بارزانی ژ بۆ ئالیکاریا گەلێ کوردستانێ یێ ل سووریێ ھاتیە ڤەکرن. رۆژا 11 گولانا بۆری ژی ھاتبوو گرتن و پشتی 25 رۆژان ئیرۆ دیسا ھات ڤەکرن.