رێخستنا په‌كه‌كێ ئیرۆ ژی ناسنامه‌یا دو چه‌كدارێن خوه یێك ژێ كه‌چ ئاشكه‌ره كر كو ئه‌و ژی وه‌كه ب هه‌زاران رێهه‌ڤالێن وان ژ بۆی براتییا ساخته یا گه‌لان ب ده‌ستێ ئارتێشا ده‌وله‌تا ترك دا نه كوشتن.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا سێشه‌می 6/6/2023 ناسنامه‌یا دو چه‌كدارێن خوه یێن ب ناڤێ ژیان عه‌بدوللا ژ تربه‌سپیێ و سۆلاد دره‌خشانی ژ ماكۆ ئاشكه‌ر كر كو ل 20 جۆتمه‌ها سالا رابووری 2022ێ ل هه‌رێما سه‌رحه‌دێ یا باكورێ كوردستانێ كه‌تنه به‌ر ئێریشێن ده‌وله‌تا ترك.
په‌كه‌كێ مرنا ژیان و سۆلاد ژی نێزی ساله‌كێ ل مالباتێن وان ڤه‌شارت بوو و ئیرۆ هاتییه د داخۆیانییا راگهاندنا شه‌هاده‌تا وان ده ئه‌و فه‌دایێ ئاپۆ كرنه و گۆتیه كو ئه‌و ژ بۆی رێبه‌ر ئاپۆ مرنه و لاییقی وی ده‌ركه‌تنه.
رێخستنا په‌كه‌كێ هه‌ر رۆژ نووچه‌یێن مرنا كه‌چ و خورتێن كوردان د مه‌دیایا خوه ده پارڤه دكه، هه‌ر رۆژ وێنه‌یێن كۆمێن وان جوانان پارڤه‌دكه یێن كو ب سالانه مرنا وان ڤه‌شارتی هشتیه، داركا مازی هین بوو كو هێژان ب هه‌زاران جوان مانه په‌كه‌كێ دانه كوشتن و هێژان مرنا وان ئیفشا نه‌بوویه.
