مهدیایا دهولهتا تركیێ راگهاند كو تهشكیلاتا ئیستخباراتا نهتهوی یا دهولهتێ میتێ د ئۆپهراسیۆنهكێ ده 3 بهرپرسێن پهكهكێ ل سینۆرێ سلێمانیێ كوشتن.
مەدیایا فەرمی یا ترکیێ راگهاند، د ئۆپەراسیۆنەکە سازیا ئیستخباراتا وی وەلاتی (میت) دە سێ بەرپرسێن پایەبلندێن پارتیا کارکەرێن کوردستانێ (پهكهكێ) ل سینۆرێ پارێزگەها سلێمانیێ یا هەرێما کوردستانێ کرنە ئارمانج و هەر سێ کەسان ژیانا خوە ژ دەست دانە.
ئاژانسا فەرمی یا ترکیێ دبێژە، میتێ ل قەزایا چەمچەمالێ یا سەر ب سلێمانیێ ڤە ئۆپەراسیۆنەک پێک ئانیە و د ئۆپەراسیۆنێ دە 3 کەسێن پهكهكێ کرنە ئارمانج.
ل گۆر مەدیایا فەرمی یا ترکیێ، د ئێریشێ دە فەهمی ئۆگمەن بەرپرسێ پلەبلندێ پهكهكێ کو ناڤێ وی د کاتەگۆریا گەورا لیستەیا تەرۆرێ یا دەولەتێ دە بوویە، ل گەل دو گەریلایێن دن ژیانا خوە ژ دەست دانە.
باسکێ چەکدارێ پهكهكێ، هێزێن پاراستنا گەل (ههپهگێ) ژی پێشتر جانژدەستدانا هەر سێ کەسان پشتراست کریە.
ناڤەندا راگهاندن و چاپەمەنیێ یا هێزێن پاراستنا گەل (ههپهگێ) رۆژا 4ێ خزیرانا 2023ان راگهاندیە، فەرماندارێ وان فەهمی ئۆگمەن ب ناڤێ کۆد سینان دژوار، مەهمەت سالح چاکال ب ناڤێ کۆد مازلووم کۆچەر، ئاهمەت محهمهد عهلی ب ناڤێ کۆد ئارارات تۆلهلدان د ئێرشەکە ترکیێ دە جانێن خوە ژ دەست دانە.
ل گۆر داخویانیا ههپهگێ، هەر سێ کەس د 10ێ ئادارا 2023ان دە ل ناڤ سینۆرێ باشوورێ کوردستانێ هاتنە ئارمانجکرن.
فەهمی ئۆگمەن ژ جۆلەمێرگێ، مەهمەت سالح چاکال خەلکێ سێرتێ و ئاهمەت محهمهد عهلی ژ ناڤچەیا سەرێکانیێ یە.
ههپهگێ د داخویانیا خوە دە دبێژە، «فەرماندارێ مە سینان دژوار و هەڤرێیێن مە مازلووم کۆچەر و ئارارات تۆلهلدان 10ێ ئادارا 2023ان ل باشوورێ کوردستانێ دەما ب ئەرکا خوە رادبن د ئێریشا دژمن دە» ژیانا خوە ژ دەست دانە.
