ژ بەر مەرجێن رێڤەبەریا پەیەدێ بۆ نووکرنا مۆلەتێ خوەدانێن دوکانان دەرگەھێن دوکانێن خوە گرتن

ل رۆژئاڤایێ کوردستانێ تەڤی رەوشا ئابۆرییا خەراب، لێ کریارێن پەیەدێ رەوشا وەلاتیان خەرابتر دکە و رۆژانە رێگریان ل پێش ژیانا خەلکێ دروست دکە.

ل عاموودا یا رۆژئاڤا کوردستانێ دوکانێن گوھەرتن و ڤەگوھەستنا پارەی ژ بەر مەرجێن رێڤەبەریا پەیەدێ بۆ نووکرنا مۆلەتێ دەرگەھێن خوە گرتن.

ژ بلی کۆژمێن پارەیان یێن کو رێڤەبەریا پەیەدێ وەکە باج ژ نڤیسگەھێن گوھەرتن و ڤەگوھەستنا پارەی وەردگرە، رێڤەبەریا پەیەدێ ملیۆن دۆلارێن ئەمەریکی ل سەر نڤیسگەھێن گوھەرتن و ڤەگوھەستنێ سەپاندیە.

د ڤێ دەربارێ دە ئەکادیمیناسێ کورد در. فەرید سەعدوون ل سەر رووپەلا خوە د تۆرا جڤاکی (فەیسبۆکێ) راگھاند، گرتنا دوکانێن بازرگانیێ ژیانا نیڤا خەلکێ رادوەستینە، ژ بەر کو ھەژمارا مەزن ژ خەلکێ ل سەر ڤەگوھەستنێن دراڤی یێن ژ ئەورۆپا و دەرڤە دژین.

دوپات کر، دەما کو پەیەدە ملیۆنەکا دۆلارێن ئەمەریکی ل سەر نڤیسگەھێن گوھەرتن و ڤەگوھەستنا پارەی دسەپینە، رێ ل پێش دەرباسبوونا پارەیان بۆ دەڤەرێ دگرە و واتەیا ڤێ چەندێ ژی ھەژاری، برسیبوون، بێکاری، قەدەغەکرنا وەبەرھینانێیە.

د سالا 2017 دا ژی رێڤەبەریا پەیەدێ 5000 دۆلارێن ئەمەریکی ل سەر نڤیسگەھێن گوھەرتن و ڤەگوھەستنێ سەپاندن، و ژ خوەدانێ نڤیسگەھان رە دیار کر کو دێ پشتی 6 مەھان ل وان ڤەگەرینە، لێ پێشتی دەرباسبوونا 6 مەھان پەیەدێ پارە بۆ وان ڤەنگەراندن و ب تەنێ بۆ چەند کەسێن سەر ب پەیەدێ ڤە ڤەگەراندن.