کادرۆیەکی پەکەکێ کو ل سلێمانیێ راستی ئێریشێ ھاتبوو، جانێ خوە ژ دەست دا

دوھ ل باژارێ سلێمانیێ تەقە ل ئەندامەکی کۆمەلەیا کارکەرێن مەزۆپۆتامیایێ ھات کرن و بریندار بوو، ژ بەر گرانیا برینا خوە، ئیرۆ جانێ خوە ژ دەست دا.

ل گۆر زانیاریان، ڤێ سبێ 10 خزیرانا 2023، ئەندامێ کۆمەلەیا کارکەرێن مەزۆپۆتامیایێ حوسەیین ئاراسان کو دوھ ل باژارێ سلێمانیێ تەقە لێ ھات کرن، پشتی مانا 17 دەمژمێران ل ژێر چاڤدێریا پژیشکی، ڤێ سبێ جانێ خوە ژ دەست دایە.

دوھ بەریا نیڤرۆ، ئەندامێ کۆمەلەیا کارکەرێن مەزۆپۆتامیایێ، ل بەر ئاڤاھیا کۆمەلەیێ راستی ئێریشەکە چەکداری ھات و دەملدەست ژ ئالیێ ئەندامێن کۆمەلەیێ ڤە کو ھەموو خەلکێ باکورێ کوردستانێ نە، بۆ نەخوەشخانەیا شار ھات ڤەگوھەستن.

حوسەیین ئاراسان ژداییکبوویێ سالا 1978 و خەلکێ باژارێ مێردینێ یێ باکورێ کوردستانێیە. مەدیایا نێزیکی ڤێ کۆمەلەیێ راگھاندیە، حوسەین ب سالانە ل باژارێ سلێمانیێ دژی و پەنابەرێ سیاسی بوو.