رێخستنا چاڤدێریا مافێن مرۆڤان (ھیومان رایتس وۆچ) راپۆرەکە نوو ل سەر رەوشا شەنگالێ و سەدەمێن ل بەر نەڤەگەرا دەربدەران بۆ وارێ خوە ئەشکەرە کرن.
راپۆرتێ د بن ناڤنیشانا “شەرێ سیاسی یێ ناڤخوە رێگریێ ل ئاڤاکرنا شەنگالێ دکە” ل سەر رەوشا شەنگالێ دایە زانین، ژ بلی تونەبوونا خزمەتگوزاریان، ل شنگالێ 12 گرووپێن جودایێن چەکدار باژێر کۆنترۆل کرنە، کو ژ بلی بکارئانینا دبستانان ژ بۆ کارێ سەربازی، زارۆکان ژی ژ بۆ کارێ چەکداری ب کار تینن.
ئاماژە ب وێ یەکێ کریە، پرۆسەیا ئاڤاکرنا شەنگالێ ژ بەر ناکۆکیا سیاسی یا ل سەر چاوانیا برێڤەبرنا باژێر، راوەستیایە. د راپۆرتێ دە ھاتیە دەستنیشانکرن کو ژ بەر ھەبوونا گرووپێن چەکدار و چەکدارێن سەر ب پەکەکێ، کێشەیێن شەنگالێ ئالۆزتر بوونە.
سیەتمەدارێن کورد تەکەز دکن، ژ بەر ھەبوونا پەکەکێ و میلیشیایێن حەشدا شەعبی پەنابەر نکارن ڤەگەرن سەر زێدێن خوە تا نھا ب دەھان ھەزاران ل بەندا جبیجکرنا رێکەتنا ھەولێر و باغدایێ یا دەربارێ شەنگالێ نە، دا کو ب ئارامی کاربن ڤەگەرن سەر زێدێن خوە.
