یەکینەیێن پاراستنا گەل (یه‌په‌گێ) باسكێ چه‌كداری یێ په‌كه‌كێ ل رۆژئاڤا كوردستانێ راگهاند کو د ئێرشا درۆنەکە ترکیێ دە ل ناڤچەیا ئەهداسێ 3 شەرڤان وان ژیانا خوە ژ دەست دانە و 2 شەرڤانێن دن ژی بریندار بوون.
ناڤەندا راگهاندنێ یا یه‌په‌گێ راگهاند کو ل سەر رێیا ماراتێ و ناڤچەیا ئەهداسێ یا شەهبایێ ئۆتۆمۆبیلەکا وان هاتیە بۆمبەباران کرن.
ل گۆر داخویانیێ د وێ ئێرشێ دە 3 چه‌كدرێن یه‌په‌گێ ژیانا خوە ژ دەست دانە و 2 شەرڤانێن دن ژی بریندار بوونە.
یه‌په‌گێ د داخویانیا خوە وها دبێژە: «دوهـ پشتی نیڤرۆ سائەت د 16 :45ان دە بالافرەکە بێمرۆڤ یا ب چەک یا دەولەتا ترکیێ ئێرشی هێزا مە کر، د ئەنجامێ دە 3 شەرڤانێن مە شەهید بوون و 2 دن ژی بریندار بوون».
ناڤەندا راگهاندنا یه‌په‌گێ ناسنامەیا شەرڤانێن قوربانی ئەشکەرە نەکرن و دبێژە: «دەربارێ ناسنامەیا شەهیدێن مە دە ئەم دێ پشترە داخویانیەکێ بدن».
