پەکەکێ کەچەکا کورد ل حەلەبێ رەڤاند

میلیشیایێن ب ناڤێ “جوانێن شۆرەشگەر” یێن کو د بن پاراستنا هێزێن سووریەیا دەمۆکراتیک دە کار دکن و راستەراست فەرمانان ژ قەندیلێ وەردگرن کەچەکا کورد ل باژارێ حەلەبێ رەڤاند.

ل گۆری ئاگاھیان میلیشیایێن ب ناڤێ “جوانێن شۆرەشگەر” رۆبین ئبراھیم قاسۆ یا 18 سالی، چارشەمبا بووری، 7ێ خزیرانا 2023 ژ تاخا شێخ مەقسوودا حەلەبێ رەڤاندیە.

رۆبین ئبراھیم قاسۆ ژداییکبوویا 2005، ژ شێنیێن گوندێ ئاقیبێ یێ ناڤچەیا شێراوایا ھەرێما عەفرینێ یا رۆژئاڤایێ کوردستانێیە.

رۆبین ئبراھیم قاسۆ دەما ژ کارێ خوە ڤەدگەریا ھات رەڤاندن و بۆ لەشکەریا نەچار ھاتیە برن.

تەڤی کو مالباتا ڤێ کەچێ سەری ل سازیێن ئەولەهیێ یێن سەر ب پەیەدێ دان، لێ بەلێ هەیا نها ت ئاگاهیەک د دەربارێ کەچا خوە دە نەستەندنە.

کارێ سەرەکە یێ رێخستنا “جوانێن شۆرەشگەر” ل رۆژئاڤا کوردستانێ رەڤاندنا زارۆکێن کوردان و چەکدارکرنا وانا ب زۆرێ یە د بەرژەوەندا پەکەکێ دە.