دو شەرڤانێن دن یێن ئەنجوومەنا لەشکەری یا منبجێ د ئێریشێن ئارتێشا ترکیێ دە جانێ خوە ژدەست دان.
رەوانگەھا سووری یا مافێن مرۆڤان بەلاڤ کر، درۆنەکا ئارتێشا ترکیێ خالەکا لەشکەری یا ئەنجوومەنا لەشکەری یا منبجێ ل گوندێ ئەل-سەیاد ل نێزیکی منبجێ بۆمبەباران کر، د ئەنجامێ دە 2 شەرڤانێن ئەنجوومەنا لەشکەری یا منبجێ جانێ خوە ژدەست دان.
ب ڤی ئاوایی ھەژمارا کەسێن دوھی ل منبجێ د ئێریشێن ترکیێ دە جانێ خوە ژدەست دانە، گھیشت 10 شەرڤانێن ئەنجوومەنا لەشکەری یا منبجێ و سڤیلەکی.
ئەڤ یەک د دەمەکێ دە یە، چەند رۆژن ئارتێشا ترکیێ و گرووپێن چەکدار یێن سەر ب وێ ڤە، ئێریشێن خوە ل سەر ناڤچەیێن باکورێ حەلەبێ و منبجێ یێن کو د دەستێ یەپەگێ/ھەسەدێ دە نە، زێدە کرنە.
رێڤەبەریا خوەسەر یا ل رۆژئاڤایێ کوردستانێ ژی دوھی د داخویانیەکێ دە ئەڤ ئێریشێن ترکیێ شەرمەزار کرن و بانگ ل ھەڤپەیمانیا ناڤدەولەتی، رووسیا و رێژیما سووریێ کر کو ھەلوەستا خوە ل ھەمبەر ڤان ئێریشان نیشان بدن و فشارێ ل ئالیێ ترکیێ بکن، تا کو ڤان ئێریشان راوەستینە.
