پارێزگەرێ دوھۆکێ راگەھاند، چەکدارێن پەکەکێ ژ بەر چێکرنا پرۆژەیەکی خزمەتگوزاریێ یا ل دەڤەرا ئاکرێ گەفا ژناڤبرنا ئۆتۆمۆبیلان و ژناڤبرنا کۆمپانیایەکی خوارنە.
پارێزگارێ دوھۆکێ در. عەلی تەتەر رۆژا 14/6/2023 راگەھاند: “پشتی کو پرۆژە ب کۆمپانیایەکی ھاتیە دایین، چەکدارێن پەکەکێ گەفا ژناڤبرنا وێ کۆمپانیایێ و ئۆتۆمۆبیلێن وان ل وان خواریە و وانژی ژ بۆ پرسگرێکەک مەزن چێنەبیت، بریار دا پرۆژەیا چێکرنا رێکێ راگرن.
ھەرواھا ئاشکەرا کر: “پکەکە زولمێ ل خەلکێ دکە، ژ بەر ئەو رێ ژ بۆ خەلکێ تێ چێکرن و رێیەکی لەشکەری نینە و چ بالەفرگەھەک ژی ل ڤێ ناڤچەیێ نینە، تەنێ چێکرنا رێیە ژ بۆ گوندێن وێ دەڤەرێ و پارە ژ بۆ وێ ھاتیە مەزاختن و پرۆژە ب کۆمپانیایەکی ھاتیە دایین و ھندەک کار ژی د پرۆژەیێ دە ھاتیە کرن. لێ ژ ئالیێ چەکدارێن پەکەکێ ڤە گەف ل کۆمپانیایێ ھاتنە کرن و پرۆژە ھاتە راگرتن.”
