رێخستنا په‌كه‌كێ ل سه‌ر ره‌ڤاندن و له‌شكه‌ر كرنا زارۆكان ل رۆژئاڤا كوردستانێ به‌رده‌وامه، هه‌ری داوی زارۆكه‌كی دن یێ كورد ره‌ڤاند و چاره‌نووسا وی نه‌دیاره.
ئیرۆ، پێنجشەمێ، تۆرا مافێن مرۆڤان یا سووریێ پشتراست کر کو چه‌ته‌یێن په‌كه‌كێ یێن ب ناڤێ “جوانێن شۆرەشگەر” زارۆکەکی دنێ تەمەن بچووک یێ کورد ل باژارێ حەسەکێ یێ رۆژئاڤایێ کوردستانێ رەڤاند، ژ بۆ كو وی ب دارێ زۆرێ لەشکەر بکە و ته‌ڤلی ناڤ رەفێن په‌كه‌كێ بكه.
ده‌ستنیشان كر، چه‌ته‌یێن په‌كه‌كێ زارۆکێ كورد یێ ب ناڤێ سەلاح یاسین نەجم ره‌ڤاندن كو ته‌مه‌نا وی 13 سالی یه و جوانێن شۆره‌شگه‌ر ئەو برن کامپێن تەجنیدکرنا زارۆکان ل دەڤەرێ.
تۆرا مافێن مرۆڤان پشتراست کربوو کو ئەگەر ئەو زارۆک بخوازن ڤەگەرن ناڤ مالباتێن خوە، راستی گرتن و ئیشکەنجەیێ ل سەر دەستێ کادرۆیێن په‌كه‌كێ تێن.
هێژایی گۆتنێیە کو د ڤان دەمێن داوی دە په‌كه‌كێ ب ناڤێ جوانێن شۆرەشگەر ب دەهان زارۆک ل رۆژئاڤایێ کوردستانێ رەڤاندن دا کو ب دارێ زۆرێ وان لەشکەر بکن.
