سەکرەتەرێ پەدەکە-سێ: ھەلوەستا مەیا پشتەڤانیکرنا گەلێ سووریێ نەگوھەریە

 سەکرەتەرێ پارتیا دەمۆکراتا کوردستانێ – سووریێ (پەدەکە-سێ) محەمەد ئیسماعیل ھەلوەستا پارتیا خوە پشتی کۆنگرەیا 12ەمین دوبارە کر و راگھاند، ھەلوەستا وانا پشتەڤانیکرنا گەلێ سووریێ نەگوھەریە.

محەمەد ئیسماعیل راگھاند، گوھەرینا سەرکرداتیا پارتیێ نابە سەدەما گوھەرینا ھەلوەستا سیاسییا پەدەکە-سێ دەربارێ رەوشا سووریێ دە و تەکەزی ل سەر چارەسەرکرنا سیاسی یا رەوشا ناڤخوەیا سووریێ کریە.

سەکرەتەرێ پەدەکە-سێ دەستنیشان کر، ژ بۆ شەرت و مەرج و قۆناغێن نوویێن نھایێن ل سووریێ دەرکەتنە ھۆلێ، وان خوە ئامادە کریە و ھێڤیا خوە ئانی زمان کو ب چارەسەریەکە سیاسی و بریارەکە ناڤدەولەتی داوی ب قەیتان و ئێشێن سووریێ بێ.  

رۆژا 12 خزیرانا 2023، کۆنگرەیا 12ەمینا پارتیا دەمۆکراتا کوردستانێ – سووریێ (پەدەکە-سێ) ب داوی بوو و 27 ئەندامێن کۆمیتەیا ناڤەندییا پارتیێ ھاتن ھلبژارتن. پشترە ل ھەولێرێ جڤینا کۆمیتا ناڤەندی ھات لدارخستن.

د جڤینێ دە، محەمەد ئیسماعیل وەک سەکرەتەرێ نوویێ پەدەکە-سێ ھلبژارت. ھەر وھا در. عەبدولحەکیم بەشار و کامیران حاجۆ وەک جیگرێن سەکرەتەرێ پەدەکە-سێ ھاتن ھلبژارتن.

ھەر د ڤێ جڤینێ دە ژی، در. عەبدولحەکیم بەشار، در. لەزگین فەخری، نافێ بەیرۆ، کامیران حاجۆ و سەید عۆمەر وەک ئەندامێن پۆلیتبورۆیا پەدەکە-سێ ھاتن ھلبژارتن.

پارتیا دەمۆکراتا کوردستانێ – سووریێ (پەدەکە-سێ) وەک یەکەمین پارتیا کوردی ل رۆژئاڤایێ کوردستانێ، د 14 خزیرانا 1957 دە ھاتیە دامەزراندن.