په‌كه‌كێ راگهاند کو ل ناڤچەیا لجێ یا ئامەدێ د شەرێ ناڤبەرا ئارتێشا ترکیێ و گەریلایێن وان دە 2 گەریلایان جانێ خوە ژ دەست دانە، یێك ژێ فه‌رمانداره.
هه‌په‌گێ باسکێ چەکداری یێ په‌كه‌كێ د داخویانیەکێ دە راگهاند کو رۆژا 8ێ خزیرانا 2023ێ ل ناڤچەیا لجێ یا ئامەدێ د ناڤبەرا لەشکەرێن ترکیێ و گەریلایێن وان دە شەر دەرکەتیە.
ل گۆر داخویانیا هه‌په‌گێ یەک ژ فەرماندارێن گەریلایان سامی ئۆزدەمیر یێ ب كۆدناڤێ «خەمگین سەرحەد» کو خەلکێ مووشێ یه و ئومیت کۆرکماز یێ ب كۆدناڤێ «باهۆز فارقین» یێ خەلکێ ئامەدێ هاتنە کوشتن.
هه‌په‌گێ دیار کر کو سامی ئۆزدەمیر د سالا 2000ان دە تەڤلی رەفێن په‌كه‌كێ بوویە.
وەزیرێ ناڤخوەیێ ترکیێ عه‌لی یەرلکایا ژی د 8ێ خزیرانێ دە ل سەر حه‌سابا خوە یێ مەدیایا جڤاکی داخویانیەک دابوو و دیار کربوو کو د ئۆپەراسیۆنه‌كێ دە ل بەژاهیا ناڤچەیا لجێ یا ئامەدێ 2 گەریلایێن په‌كه‌كێ هاتنه كوشتن.
