ب ڤیان و رژدبوونەکا مەزن، ئەندامێن مالباتەکا کورد شییان زارۆکا خوە یا رەڤاندی ژ ناڤ لەپێن ھێزێن سووریا دەمۆکراتیک دەرخینن و ئازاد بکن و جارەکە دن ڤەگەرینن ناڤ مالباتێ.
بەریا چەند رۆژان، ھێزێن سووریا دەمۆکراتیک، زارۆکا کورد ھێڤی مەحموود ژ باژارێ قامشلۆیێ رۆژئاڤایێ کوردستانێ رەڤاند، و ژ بۆ لەشکەریا نەچاری بر.
مالباتا زارۆکا 13 سالی، چەندین ھەولێن خوە ژ بۆ ڤەگەراندن و رزگارکرنا وێ دان، لێ بێ سوود بوون، سەرەدانا ھەر دەزگەھەکێ سەر ب رێڤەبەریا پەیەدێ ڤە کرن، و ل کەچا خوە پرسین، لێ ھەر دەم بەرسڤ یەک بوو کو زارۆک نە ل با وانە.
ژێدەرێن تایبەت ژ باژارێ قامشلۆ راگھاندن کو مالباتێ زانیاری ب دەست خستن کو کەچا وان ل ناڤەندا باژارێ جوانانە، ب دەھان کەسان ژ مالباتێ خوە دانە ھەڤ و بەرێ خوە دا ناڤەندێ.
ژێدەران تەکەز کر کو ل پێشیا ناڤەندێ گرژی و ناکۆکی دەرکەتن، مالباتێ ئێریش کر، و ھەولا رزگارکرنا وێ ب زۆرێ دا، رژدبوونا مالباتێ، هەسەدە نەچار کر کو ھێڤیێ ژ بۆی وان ڤەگەرینە.
