رێخستنا په‌كه‌كێ ناسنامه‌یا جوانه‌كی دن یێ كورد ئاشكه‌ره كر كو 8 سالان به‌رێ ل باشوورێ كوردستانێ، دایه كوشتن و ژ نوو ڤه ئیرۆ مرنا وی ئیفشا كری یه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا یه‌كشه‌می 18/6/2023 ناسنامه‌یا چه‌كداره‌كی خوه ئاشكه‌ره كر كو ل سالا 2015ان ل چیایێ خاكوركێ یێ ل باشوورێ كوردستانێ كه‌تیه به‌ر ئێریشێن ده‌وله‌تا ترك و پاش ده‌رباسبوونا 8 سالان ژ نوو ڤه هاتییه و مرنا وی ئیفشا كری یه.
هه‌په‌گێ د په‌سنێ ڤی چه‌كدارێ خوه ده كو ب ناڤێ دۆغان كران تێ ناس كرن و ژ باژارێ ئاگریێ یێ باكورێ كوردستانێ یه، گۆتی یه كو ئه‌و ملیتانه‌كی ئاپۆیی بوو، وی خوه فه‌دایێ ئاپۆ كر و لاییقی وی ده‌ركه‌ت.
پارتییا كاركه‌رێن كوردستانێ رۆژانه وێنه‌یێن كۆمێن كه‌چ و جوانێن كوردان د مه‌دیایا خوه ده پار ڤه‌دكه، جوانێن كو د سالێن به‌رێ ده هاتنه فه‌دا كرن، ل گۆری ئاگاهیێن داركامازی، هێژان ب هه‌زاران كه‌چ و جوان مانه كو په‌كه‌كێ د مه‌هـ و سالێن به‌رێ ده فه‌دا كرنه و مرنا وان ڤه‌شارتی هشتی یه.
