شەڤا بۆری ھێزەکە فرقەیا 8 یا ئارتێشا ئیراقێ ئێرشی سەر گوندێ پەلکانە یێ کەرکووکێ کرن و ئالاڤێن ئاڤدانێ یێن جۆتکاران شکاندن و ئاغایێ گوندی گرت.
ل گۆر زانیاریان، شەڤا بۆری ھێزەکا ئارتێشا ئیراقێ ئێرشی گوندێ پەلکانێ یێ سەر ب ناڤچەیا سەرگەرانێ کرن و ئاغایێ گوندی گرتن و ئالاڤێن ئاڤدانێ یێن جۆتکارێن گوندی ژی شکاندن.
ژ ئالیێ خوە ڤە موختارێ گوندی، دەشتی ئاغا ئەڤ نووچە پشتراست کر.
ئاغایێ گوندێ پەلکانێ سەدەما گرتنێ بۆ وێ یەکێ ڤەدگەرینە کو ئەو دا دەست ب چاندنا گارسی کن، لێ ھێزێن ئیراقی رێ نادن ئەو کارێن خوە یێن جۆتکاریێ بکن.
گوندیێن پالکانێ بانگا ئالیکاریێ دکن و دبێژن، “ھەر کەسێ کو کارێ چاندنیێ بکە، ژ ئالیێ ھێزێن ئەولەکاری و لەشکەری یێن ئیراقێ ڤە تێ گرتن.”
پشتی بوویەرێن 16ێ جۆتمەھا 2017ێ ڤە، عەرەبێن ھاوەردە ب پشتەڤانیا ھندەک ھێزێن ئیراقی، گەفان ل وەلاتیێن کورد ئێن ناڤچەیێن کوردستانی یێن دەرڤەیی ئیدارەیا ھەرێما کوردستانێ دکن و زەڤی و مالێن وان داگیر دکن.
