سەکرەتەرێ گشتی یێ نەتەوەیێن یەکگرتی ئانتۆنیۆ گوتیرێس دیار دکە: “ئەز گەلەک نیگەرانم ژ بکارئانینا زارۆکان وەک چەکدار ژ ئالیێ پەکەکێ ڤە.” ھەروھا دبێژە: “2 ھەزار و 407 زارۆک ل سووریێ ب توندی دەستدرێژی ل سەر وان ھاتیە کرن.”
نەتەوەیێن یەکگرتی بەلاڤ کریە، پارتیا کارکەرێن کوردستانێ (پەکەکێ) و شاخێن وێ رێخستنێ ل سووریێ، د سالا 2022 دە زێدەتری 1200 زارۆک ل سووریێ کرنە چەکدار.
د راپۆرتا سالانەیا نەتەوەیێن یەکگرتی دە ب ناڤێ “زارۆک د ململانەیێن چەکداری دە” ئاماژە ب سالا 2022 ھاتیە کرن و بەحسا وێ یەکێ ھاتیە کرن کو پەکەکە و شاخێن وێ ل سووریێ، د سالا 2022 دە زێدەتری 1200 زارۆک کرنە چەکدار.
ھەروھا ھاتیە دیارکرن، کو 2 ھەزار و 407 زارۆک ل سووریێ ب توندی دەستدرێژی ل سەر وان ھاتیە کرن و 1696 زارۆک ژ ئالیێ پەکەکێ و گرووپێن دنێن چەکدار ڤە ھاتنە چەکدارکرن یان ژی ژ بۆ مەبەستێن دن ھاتنە بکارئانین.
د راپۆرتێ دە ئاماژە ب داخویانیا سەکرەتەرێ گشتییێ نەتەوەیێن یەکگرتی ئانتۆنیۆ گوتیرێس ھاتیە کرن کو راگھاندیە: “ئەز گەلەک نیگەرانم ژ بکارئانینا زارۆکان وەک چەکدار ژ ئالیێ پەکەکێ ڤە، ئەز بانگ ل وان دکم کو داوی ب بکارئانینا زارۆکان وەک چەکدار و مەبەستێن دن بینن، ھەموو زارۆکێن ناڤ رێزێن خوە ئازاد بکن.”
