دەربدەرێن سەرێ کانیێ و گوندەوارێ تل تەمرێ د وارگەھێن دەمکی، د رەوشەکە زەحمەت دە دژین.
ل باژارێ تل تەمرێ یێ گوندەوارێ حەسەکێ ل رۆژئاڤایێ کوردستانێ، رەوشا دەربدەرێن سەرێ کانیێ و گوندێن تل تەمرێ زەحمەتە، د ژیانەکە پر ئالۆز و خەراب دە دژین.
دەربدەر د وارگەھێن دەمکی وەکە دبستان و ناڤەندێن دن دە دژین، ب ھاتنا وەرزێ ھاڤینێ، ژیان ل وان ئاستەنگتر دبە، ھەژمارا وان دەردۆرا 11 ھەزار دەربدەرانە، یێن سەرێ کانیێ ژ شەرێ 2019 ڤە رەڤیانە، یێن ژ گوندێن تل تەمرێ ژ بەر شەر و پەڤچوونێن ھەر دەم و دەمەکێ دە بەرێ خوە دا ناڤەندا باژێر.
دەربدەر راستی خەمساری و نەگوھدانێ ژ ئالیێ رێڤەبەریا پەیەدێ، رێخستنێن مافێ مرۆڤان و یێن خێرخوازی ڤە تێن، پاشگوهکرنا وان دگھە ئاستا کو ئاڤا ڤەخوەرنێ ژ بەریکا خوە دکرن.
دەربارێ ئەلەکتریکێ ژی پرانیا دەمێ تونەیە، لەوما ژ پانکە و ئالاڤێن هینکرنێ بێپارن، و نکارن ب کار بینن، و ئەگەر ھەبە ژی ژ بەر نەبوونا ئاڤێ، نکارن ئالاڤێن ل سەر ئاڤێ وەکە ب ئالاڤێن بیابانی ناڤدارن، ب کار بینن.
دەربارێ دەربدەرێن گوندێن تل تەمرێ، ب یەک جاری نکارن ڤەگەرن سەر زێدێن خوە ژ بەر کو بەردەوام شەرێ هەسەدێ و کۆمێن چەکدار ل وان دەرڤەران روو ددن، و تۆپ و مووشەک تێنە بکارئانین.
دەربدەر بانگا خوە دگھینن ھەر ئالیەکی لێ نە رێڤەبەریا پەیەدێ و نە ژی رێخستنێن مرۆڤی ب ھاوارا وان ڤە ناچن.
