رێخستنا په‌كه‌كێ ناسنامه‌یا ره‌فه‌كه دن یا چه‌كدارێن خوه ئاشكهره كر یێك ژێ ئه‌لمانه كو ساله‌كێ به‌رێ ل باشوورێ كوردستانێ دا نه كوشتن و ژ نوو ڤه مرنا وان راگهاند، په‌كه‌كێ د په‌سنێ ته‌ڤان ده گۆتی یه: وان ئیسپات كر كو ئه‌و لاییقی ئاپۆ ده‌ركه‌تن!.
هه‌په‌گێ باسكێ له‌شكه‌ری یێ په‌كه‌كێ رۆژێن ئینی و شه‌میێ 23 و 24/6/2023 ناسنامه‌یا 8 چه‌كدارێن خوه ئاشكهره كو ل مه‌هێن خزیرانا سالێن 2022 و 2023ێ ل باشوورێ كوردستانێ ب ده‌ستێ ئارتێشا تركیێ دا نه كوشتن و ژ نوو ڤه مرنا وان ئیفشا كر.
هه‌په‌گێ مرنا ڤان جوانان وه‌كه ب هه‌زاران رێهه‌ڤالێن وان ل مالباتێن وان ڤه‌شارتبوو و ئیرۆ هاتیه د په‌سنێ وان ده ب روو قاییمی دبێژه مه هه‌ڤالێن خوه یێن ئاپۆیی وه‌ندا كرن، ئه‌و ژ بۆ رێبه‌ر ئاپۆ مرن، وان ئیسپات كر كو ئه‌و ئاپۆیی نه!.
ناڤێن وان وسایه:
ره‌شید كیران ژ مێردینێ.
مزگین ئۆزه‌ر ژ وانێ.
ئەدا ئەرۆگلوو ژ سه‌مسوورێ.
ئه‌حمه‌د عه‌دنان ژ حه‌سه‌كێ.
به‌سام محه‌مه‌د ژ قامشلۆ.
قه‌درییا ته‌تیك ژ ئۆردوو
تۆماس ژۆهانن سپیئەسس ژ مائینبوورگ-ئەلمانیا
دیاكۆ سه‌عیدی ژ سنه‌یێ.
پارتییا كاركه‌ران هه‌ر رۆژ وێنه و ناسنامه‌یێن كۆمێن جوانێن كوردان د مه‌دیایا خوه ده پارڤه‌دكه، جوانێن كو د سالێن به‌رێ هاتنه كوشتن و هێژان مرنا وان نه‌هاتیه ئیفشا كرن.
په‌كه‌كه ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن ناڤده‌وله‌تی و رێخستنێن مافێن مرۆڤان هاتیه ته‌سبیت كرن.
