ھێزێن ئەولەکاریا ناڤخوە ل رۆژئاڤایێ کوردستانێ دا زانین، ھێزێن وان د ھەیاما سالەکێ دە، 6 بازرگان، 1042 فرۆشکار و 2068 بکارھێنەرێن مادەیێن ھشبر ھاتنە گرتن.
ھێزێن ئەولەکاریا ھوندرینێن ل رۆژئاڤایێ کوردستانێ ئامارێن خەباتێن خوەیێن تێکۆشینا ل دژی مادەیێن ھشبەر یێن سالەکێ، دوھی د کۆنفەرانسەکا رۆژنامەڤانی دە ل رەقایێ ئەشکەرە کرن.
ئەندامێ مەجلسا عەدالەتا جڤاکی یا رەقایێ حەسەن ئەل-ئەحمەد دەستنیشان کر، ئەو ژ بۆ تێکۆشینا ل دژی مادەیێن ھشبەر، خەباتێن خوە ددۆمینن و ژ بۆ تونەکرنا ڤێ دیاردەیێ، ھەول ددن کو سزایێن تاوانباران گران بە.
ھێزێن ئەولەکاریا ھوندرین تێکلداری ئامارێن خوەباتێن خوەیێن تێکۆشینا ل دژی مادەیێن ھشبرێ راگھاند، “دیاردەیا مادەیێن ھشبەر د ناڤ جڤاکا مە دە بەلاڤ بوویە، دژمنێن جڤاکێ ب ئارمانجا کو ھەرێمێ لەواز بکن و ئەولەھیا وێ تێک ببن، مادەیێن ھشبەر بەلاڤ دکن.”
د کۆنفەرانسا رۆژنامەڤانی دە ھات گۆتن: “مە ژ بۆ تێکۆشینا ل دژی مادەیێن ھشبەر، بەشەکە ئەولەکاریێ یا تایبەت د 26/6/2022 و د رۆژا تێکۆشینا ل دژی مادەیێن ھشبەر یا جیھانی دە دامەزراند و ئیرۆ ژی ئەم خەباتێن خوە رۆژ ب رۆژ ژ بۆ بداویکرنا ڤێ دیاردەیێ زێدە دکن.”
ھات دیارکرن، ھەژمارا دۆزێن د ڤی واری دە ھاتنە ڤەکرن، 522 بوون. تاوانبار و کەسێن تێکلیان وان ب ڤان دۆزان ڤە ھەیی، ھەموو ھاتن گرتن: 6 بازرگان، 1042 فرۆشکار و 2068 بکارھێنەرێن مادەیێن ھشبەر. ھەموو ژی ژ بۆ دۆزگەریا گشتی ھاتن ڤەگوھاستن.”
جورە و مقدارا مادەیێن ھاتنە دەستەسەرکرن:
– 147 کیلۆگرام کریستالێ میس
– 302 کیلۆگرام حەشیش
– 148 جگارەیێن حەشیشێ
– 11 ھەزار و 880 دەرزیێن ھشبەر
– 838 ھەزار و 814 حەبێن کپتاگۆن
– 1 ملیۆن و 818 ھەزار و 405 حەبێن جودایێن ھشبەر
– 7 کیلۆ و نیڤ ھیرۆیین
– 41 شتلێن حەشیشێ
– 170 شتلێن خشخاشێ
– 14 گرام کۆکایین
ھێزێن ئەولەکاریا ھوندرین گۆت ژی: “هێژان رێ ل پێشیا مە درێژە و دڤێت ئەم ب ھەڤ رە ل ھەمبەر ڤێ دیاردەیێ بسەکنن. گرینگیا شەرێ ل دژی مادەیێن ھشبر، ژ شەرێ ل دژی تەرۆرێ نە کێمترە ژ بەر کو ئەڤ دیاردە ژی روویەکە تەرۆرێیە.”
