پارتییا كاركه‌ران ناسنامه‌یا 6 جوانێن كورد ئاشكه‌ره كر كو مه‌هه‌كێ به‌رێ ل زاپێ و گه‌ڤه‌رێ كه‌تنه به‌ر ئێریشێن تركیێ و ژیانا خوه ژ ده‌ست دا نه و ژ نوو ڤه مرنا وان ئیفشا كری یه.
هه‌په‌گێ باسكێ له‌شكه‌ری یێ پارتیا كاركه‌ران رۆژێن 2 و 3 تیرمه‌ها ئیسال 2023ێ ناسنامه‌یا 6 جوانێن كورد ئاشكه‌ره كر كو مه‌هه‌كێ به‌رێ ل ده‌ڤه‌را زاپێ یا باشوورێ كوردستانێ و گه‌ڤه‌رێ یا باكورێ كوردستانی كه‌تنه به‌ر ئێریشێن ئارتێشا تركیێ و ژیانا خوه ژ ده‌ست دا نه.
رێخستنێ مرنا ڤان 6 جوانان وه‌كه ب هه‌زاران رێهه‌ڤالێن وان ڤه‌شارت بوو و ژ نوو ڤه ئیرۆ هاتیه دبێژه مه هه‌ڤالێن خوه یێن فه‌دایێن زلامێ ئیمرالیێ وه‌ندا كرن.
ناڤێن وان وسایه:
ئه‌حمه‌د ده‌میر ژ دیلۆكێ.
شه‌همووس ئاكیۆل ژ ئامه‌دێ.
محه‌مه‌د فوئاد ژ سنه.
زافه‌ر ئاكگون ژ مێردینێ.
سالح دایان ژ شرنه‌خێ.
جیهاد خالد ژ سه‌رێ كانیێ.
پارتییا كاركه‌ران هه‌ر رۆژ وێنه‌یێن كۆمێن زارۆك و جوانێن كوردان ل مه‌دیایا خوه پارڤه‌دكه، زارۆك و جوانێن كو د مه‌هـ و سالێن به‌رێ ده هاتنه فه‌دا كرن، پارتیا كاركه‌ران زارۆكێن كوردان د به‌رخوه‌دانه‌كه ساخته ده ب كار تینه و ژ بۆی دۆزه‌كه ت پێوه‌ندییا وێ ب كورد و كوردستانێ ڤه تونه به‌رێ وان دده مرنێ.
