د رۆژەکا وەکە ئیرۆ دە 4 تیرمەھا سالا 2012 دە، یەکەم کۆمکوژیێن ھۆڤانە ل سەرانسەری رۆژئاڤایێ کوردستانێ، د دەرحەق مالباتا شێخ حەنان شێخ حەسەن کو ب ئێلا شێخ نەسان ناسکری نە ل عەفرینا رۆژئاڤایێ کوردستانێ ژ ئالیێ چەکدارێن پەیەدێ ھاتە ئەنجامدان، تێ دە شێخ حەنان لگەل کورێ خوە عەبدولرەحمان شەھید بوون، و کورێ دن نوورەدین د بن ئەشکەنجەیێ دە شەھید بوو.
سەدەمێن ئەنجامدانا کۆمکوژیێ ژ بەر کو مالباتەک پارتی و ل سەر رێبازا بارزانی بوون، و نە ل سەر شۆپا پەکەکێ و پەیەدێ بوون، ھەروھا ل دژی رێژیما سووریێ بوون، لەوما پەیەدێ ئەو مالباتا ناڤدار خستە بەر چاڤێن خوە و ئارمانج کر و یەک ژ کومکوژیێن ھۆڤانە ئەنجام دا. ژ بلی شەھیدکرنا 3 کەسان، 26 کەسان ژ مالباتێن وان وەک مالباتا شێخ ئەحمەد، شێخ حەسەن، شێخ ناسان گرتن و بن چاڤ کرن، و ل زیندانا گوندێ ھۆپکایێ راجۆ راستی ئەشکەنجەیێ ھاتن، د ئەنجام دە نوورەدین کورێ شێخ حەنان ژیانا خوە د بن ئەشکەنجێ دە ژ دەست دا و شەھید بوو.
ھەروھا مال و دوکانێن مالباتێ شەوتاندن و چەند رۆژان چوونووھاتنا ناڤ باژێری قەدەغە کر. کو پشتی شەھیدکرنا 3 کەسان ژ مالباتێ بریارا کوشتنا 12 کەسێن دن ژی دەرخست، لێ دەستێوەردانا سەرۆک مەسعوود بارزانی نەھشت کو ئەو کۆمکوژی بەرفەرەھتر ببە.
د 10/7/2012 و ل گۆر رێکەفتنا دەستەیا بلند کو د 11 مەھا 7 رێکەفتن ب فەرمی ل ھەرێما کوردستانێ ب سەرپەرشتیا سەرۆک مەسعوود بارزانی ھاتە ئیمزەکرن، ل گۆر وێ رێکەفتنێ ھێدی ھێدی گرتیێن کۆمکووژیا مالباتا شێخ حەنان سەربەست ھاتن بەردان، کو د زیندانا رەش دە ل گوندێ شێخ بلایێ راجۆ بوون و یەکەم جار ئەو زیندان بۆ گرتیێن وێ مالباتێ ھاتە ڤەکرن.
کۆمکوژیا شێخ حەنان دەستپێکا زنجیرا ئارمانجکرنا ئەنجوومەنا نشتیمانییا کوردی، پارتیا دەمۆکراتا کوردستان – سووریا و ھەر کەسەکێ نە ل گۆری ھزر و بیرۆکەیا پەکەکێ و پەیەدێ بوو، پشت را ب دەھان کۆمکوژی وەک عاموودێ، کۆبانێ، بورج عەبدالۆ، ئال بەدرۆ، تل خەزال بوو سەرباری شەھیدکرن و رەڤاندنا سەرکردەیێن کورد وەک شەھید نەسەردین برھک ئەندامێ پۆلیتبیرۆیا پەدەکە-سێ و سەرکردەیێ رەڤاندی بەھزاد دۆرسن ئەندامێ پۆلیتبیرۆیا پەدەکە-سێ و ب سەدان ژ سەرکدە، ئەندامێن دن ل سەرانسەری رۆژئاڤایێ کوردستانێ ب دەستێ چەکدارێن پەیەدێ ھاتنە ئەنجامدان و ھین ژی د کریارێن خوە بەردەوامن.
