ده‌وله‌تا ترك ئامارا شه‌ر یا مه‌ها خزیرانێ ئاشكه‌ره كر و ل گۆری وێ 65 چه‌كدارێن پارتییا كاركه‌ران هاتنه ئارمانج گرتن و ژیانا خوه ژ ده‌ست دا نه.
وه‌زاره‌تا كارێن ناڤخوه یا تركیێ دوهـ رۆژا سێشه‌می 4\7\2023 داخویانی دا و تێ ده ئامارا شه‌رێ ئارتێشا تركیێ و پارتیا كاركه‌ران ئاشكه‌ره كر، ل گۆری وێ د مه‌ها خزیرانێ ده 13 هه‌زار و 138 ئۆپه‌راسیۆن ل باكور، باشوور و رۆژئاڤا كوردستانێ ل دژی په‌كه‌كێ هاتنه ئه‌نجام دایین.
هه‌ر وها ده‌ستنیشان كر، د ئۆپه‌راسیۆنێن خزیرانێ ده هه‌ری كێم 65 چه‌كدارێن پارتییا كاركه‌ران هاتنه كوشتن و ژ 418 كه‌سێن داخواز كری، 112 هاتنه گرتن.
هه‌ر یێك ژ ده‌وله‌تا ترك و پارتییا كاركه‌ران هه‌ر مه‌هێ جاره‌كێ ئامارا شه‌ر رادگهینن و هه‌ر یێك دبێژه مه ئه‌وقاس كوشتنه، لێبه‌لێ هه‌ردو ئالی راست نابێژن و ڤێ وه‌كه شه‌ره‌كی مه‌دیایی ل دژی هه‌ڤ بكارتینن.
