چه‌كدارێن پارتیا كاركه‌ران، جاره‌كه دن ده‌ست ب كۆمكرنا په‌ره‌یان كرنه و ب دارێ زۆرێ په‌ره‌یان ژ شێنیێن گوندێن باشوورێ كوردستانێ دستینن، هه‌ری داوی دو ملیۆن دینار ژ هه‌مولاتیه‌كی سته‌ندن و ئیشكه‌نجه ژی ل وی كرنه.
چاڤكانیێن پێگه‌ها داركا مازی ئه‌شكه‌ره كرن، ل داوییا مه‌ها گولانا ئیسال 2023ان ئاساییشا پارتیا كاركه‌ران و ئه‌ندامێ هه‌والگیریا پارتیێ یێ ب ناڤێ (حسێن) هه‌مولاتیه‌كی گوندێ ئێندزه یێ گرێدایی باژارۆكێ سه‌نگه‌سه‌ر ل سینۆرێ پارێزگه‌هییا سلێمانیێ، ب هنجه‌تا كو په‌زێ وی چوویه ناڤا پاوانێ گوندێ مه‌مكان ده‌سته‌سه‌ر كرنه.
ده‌ستنیشان كرن، ئه‌ڤ هه‌مولاتی ژ هێلا هه‌والگیریا پارتیا كاركه‌ران هاتیه ئیشكه‌نجه كرن و پشتره 2 ملیۆن دینار په‌ره ژ وی سته‌ندنه.
ل گۆری ئاگاهیێن ده‌ستێ مه، (حسێن) كو ئه‌ندامێ هه‌والگیریا پارتیا كاركه‌ران و به‌رپرسێ به‌شا جڤاكی یا ریخستنێ یه ل گوندێ ئیندزه، ژ وان په‌ره‌یین كو ژ حسێن سته‌ندنه، كوژمێ 800 هه‌زار دینار بۆ خوه هلگرتنه و ملیۆنه‌ك و 200 هه‌زار ژی ژ بۆی رێڤه‌به‌رییا په‌كه‌كێ شاندنه.
ته‌وانێن پارتیا كاركه‌ران ل باشوورێ كوردستانێ ب داوی نابن، ئه‌ڤ پارتی هاتییه گوندێن ڤێ په‌رچه‌یا ئازاد یا كوردستانێ وێران بكه، باجێ ژ گوندیان دستینه، زارۆك و جوانان د ره‌ڤینه و ب سووچا سیخۆرتیێ وان دكوژه و دبێژه ئه‌ڤ یێك به‌رخوه‌دانا مه یه.
