رێڤەبەریا خوەسەرا ل رۆژئاڤایێ کوردستانێ پێنج وەلاتیێن کانادایێ یێن ژ مالباتێن داعشێ رادەستی کانادایێ کرن.
دەستەیا کارووبارێن دەرڤە یا رێڤەبەریا خوەسەرا رۆژئاڤایێ کوردستانێ راگھاند، ژ بۆ ڤەگەراندنا ژن و زارۆکێن مالباتێن داعشێ ژ کامپێن باکورێ رۆژھلاتێ سووریێ، شاندەکە کانادایێ سەردانا رۆژئاڤایێ کوردستانێ کر و لگەل رایەدارێن رێڤەبەریا خوەسەر جڤیا.
ل گۆر زانیاریان، پشتی جڤینێ و ھەڤاھەنگیا ھەردو ئالیان، 2 ژن و 3 زارۆکێن مالباتێن داعشێ یێن وەلاتیێن کانادایێ، رادەستی کانادایێ ھاتن کرن.
رۆژا 4 تیرمەھا 2023، وەزارەتا دەرڤەیا فرانسایێ ژی راگھاند، د چارەم ئۆپەراسیۆنا ھەڤشێوە دە کارینە 10 ژن و 25 زارۆکێن چەکدارێن داعشێ ژ کامپا ھۆلێ یا باکورێ رۆژھلاتێ سووریێ بۆ فرانسایێ ڤەگەرینن.
کامپا ھۆلێ دکەڤە پارێزگەھا حەسەکێ یا رۆژئاڤایێ کوردستانێ، ل گۆر ئاماران زێدەتری 50 ھەزار ژن و زارۆکێن چەکدارێن داعشێ تێ دە ھەنە و بەشەکە مەزنا ژ وان ژن و زارۆکان، خەلکێ وەلاتێن رۆژئاڤا نە.
