ئەنجوومەنا نشتمانی یا کوردی ل سووریێ (ئەنەکەسێ) داخویانیەک دەربارێ بریارا ئەنجوومەنا گشتییا نەتەوێن یەکگرتییا ئاڤاکرنا سازیەکێ ژ بۆ ئەشکەرەکرنا چارەنڤیسا گرتیان و ونداهییان چ یێن د دەستێ رێژیما سووریێ دە و چ یێن ژ ئالیێن دنێن شەری دە بەلاڤ کر.
ئەنەکەسێ ئیرۆ 9 تیرمەھێ د داخویانیەکێ دە راگھاند، ئەنجوومەنا گشتییا نەتەوێن یەکگرتی رۆژا 29 خزیرانا 2023، سازیەک ب ئارمانجا ئەشکەرەکرنا چارەنڤیس و جھێ ھەموو کەسێن ب دارێ زۆرێ ل سووریێ ھاتنە ونداکرن دامەزراند، ژ بۆ پێشکێشکرنا پشتگریا پێویست ژ قوربانی و رزگاربوویان رە.
ئەنەکەسێ گۆت، دامەزراندنا ڤێ سازیێ، ھێڤیەکێ ددە مالباتێن ونداهییان، چ یێن د دەستێ رێژیما سووریێ دە و چ یێن ژ ئالیێن دنێن شەری دە ل ھەرێمێن جودایێن سووریێ ھاتنە گرتن و رەڤاندن.
ئەنەکەسێ د داخویانیا خوە دە ئاماژە ب وێ یەکێ کر کو گەلەک گرتیێن کورد ھەنە، ھەتا نھا چارەنڤیسا وان نە دیارە و ئەو ژ ئالیێ رێژیمێ و دەستھلاتێن دیفاکتۆ ل ھەرێمێن کوردی ھاتنە رەڤاندن.
ھەر وھا ئەنەکەسێ سپاسیا ھەموو وەلاتێن کو ل کێلەکا سووریان راوەستیانە کر و ئەڤ بریارێن جڤاکا ناڤدەولەتی وەکە گاڤێن ئەرێنی د رێیا راست دە ژ بۆ سڤککرنا ئێشێن سووریان و پەیداکرنا ژینگەھەکا گونجاو ژ بۆ چارەسەرکرنا کریزا سووریێ ل گۆر بریارێن ناڤدەولەتی بناڤ کر.
