د ئەنجاما شەر و پەڤچوونێن ناڤبەرا ئارتێشا ترکیێ و چه‌كدارێن په‌كه‌كێ دە ل هەرێمێن مەتینا، زاپ و ئاڤاشین-باسیانێن د ناڤا سینۆرێن هەرێما کوردستانێ دە، 2 لەشکەرێن ترکیێ هاتن کوشتن.
وەزارەتا بەرەڤانیێ یا ترکیێ د داخویانیەکێ دە راگهاند، کو ئەو هەر دو لەشکەر ل هەرێما ئۆپەراسیۆنا پەنچە-شیمشەکێ د ئەنجاما گوللـەبارانا ئەندامێن په‌كه‌كێ دە هاتنە کوشتن.
د داخویانیێ دە ناسنامەیا هەر دو لەشکەران ژی هاتیە ئاشکەرەکرن و ناڤێ یەکی حه‌سه‌ن تاش و ناڤێ یێ دن فورکان گوونەرگۆکە.
وەزارەتا بەرەڤانیێ یا ترکیێ دبێژە، هەر دو لەشکەر ل قادا ئۆپەراسیۆنێ د ئێریشا په‌كه‌كێ دە ب گرانی بریندار بووبوون، و بۆ نەخوەشخانەیێ هاتبوون ڤەگوهاستن، لێ ل نەخوەشخانەیێ ژیانا خوە ژ دەست دانە.
