ھێزێن سووریەیا دەمۆکراتیک (ھەسەدێ) 2 چەتەیێن داعشێ ل منبجێ دەستەسەر کرن کو بەشداری د گەلەک کریارێن تەرۆرستی دە کربوون.
ناڤەندا راگھاندنێ یا ھەسەدێ بەلاڤ کر، یەکینەیێن تایبەت یێن ھەسەدێ و ب پشتگریا ھەڤپەیمانیا ناڤدەولەتی، 2 چەتەیێن داعشێ (ماجد محەمەد ئەل-محەمەد ھلال و حوسێن حەسەن ئەل-شەریف) ل باژارێ منبج دەستەسەر کرن.
ل گۆری داخویانیا ناڤەندا راگھاندنێ یا ھەسەدێ بەلاڤ، ئەڤ ھەردو چەتە ژ سالا 2016 ڤە تەڤلی داعشێ بوونە و بەشداری د کریارێن تەرۆرستی دە کرنە.
ئەڤ د دەمەکێ دە یە، رێڤەبەریا خوەسەرا ل رۆژئاڤایێ کوردستانێ مەھا بۆری راگھاندبوو کو ب دەهان هەزاران چەتەیێن داعشێ د زیندانێن وان دە گرتی نە و ئەڤ یەک ل سەر ملێ وان بوویە بارەکی گران، ئێدی ئەو دێ دەست ب دادگەھکرنا چەتەیێن داعشێ بکە.
