هه‌په‌گێ مرنا فه‌رمانداره‌كی خوه‌ یێ 2020 ژ نوو ئاشكه‌ره‌ كر

هه‌په‌گێ باسكێ له‌شكه‌ری یێ پارتیا كاركه‌ران مرنا فه‌رمانداره‌كی خوه‌ یێ كو 3 سالان به‌رێ ل حه‌فته‌نینێ هاتیه‌ كوشتن ژ نوو ئاشكه‌ره‌ كر.

هه‌په‌گێ رۆژا دوشه‌می 10/7/2023ان مرنا فه‌رمانداره‌كی خوه‌ یێ ب ناڤێ یه‌لچین كه‌سكین و ب ناڤێ كۆد جه‌میل چیلۆ ئاشكه‌ره‌ و گۆت: جه‌میل ل 24 خزیرانا سالا 2020ێ ل هه‌رێما حه‌فته‌نینێ كه‌تیه‌ به‌ر ئێریشێن ده‌وله‌تا ترك و ژیانا خوه‌ وه‌ندا كری یه‌.

هه‌په‌گێ د په‌سنێ ڤی فه‌رماندارێ خوه‌ ده‌ یێ كو 3 سالان مرنا وی ڤه‌شارتی هشتبوو گۆتیه‌: ئه‌و هه‌ڤرێیێ مه‌ 21 سالان ژ بۆی ئاپۆ خه‌بتی یه‌.

یه‌لچین كه‌سكین ل سالا 1999 ته‌ڤلی پارتیا كاركه‌ران بوویه‌ ل بۆتانێ، قه‌ندیلێ، جۆله‌مێرگێ، حه‌فته‌نینێ و گابارێ چالاكی ژ بۆی رێخستنێ كرنه‌، ل خزیرانا سالا 2020 ل حه‌فته‌نینێ هاتیه‌ كوشتن.

پارتیا كاركه‌ران وه‌كه‌ چاوا مرنا ب هه‌زاران گه‌ریلایان ڤه‌شارتیه‌، ب ده‌هان فه‌رماندارێن وێ ل سالێن به‌رێ هاتنه‌ كوشتن و هێژان مرنا وان ئیفشا نه‌كری یه‌.