پارتیا كاركه‌ران ناسنامه‌یا 4 چه‌كدارێن خوه ئاشكه‌ره كر، یێك ژێ 5 سالان به‌رێ كه‌تیه به‌ر ئێریشێن ده‌وله‌تا ترك و ژ نوو ئیرۆ مرنا وی راگهاندیه.
هه‌په‌گێ باسكێ له‌شكه‌ری یێ پارتیا كاركه‌ران رۆژا چارشه‌می و پێنجشه‌می 12 و 13/7/2023 ناسنامه‌یا 4 جوانێن كورد ئاشكه‌ره كر كو ل سالێن 2018 و 2022 ل باكورێ كوردستانێ ب ده‌ستێ ئارتێشا ده‌وله‌تا ترك دانه كوشتن و پاش ده‌رباسبوونا 5 سالان ژ نوو ڤه مرنا وان ئیفشا كر.
ئه‌ڤ 4 گه‌ریلا ل چیایێ گابارێ و مانیسا یێن باكورێ كوردستانێ ل كانوونا 2022 و تیرمه‌ها 2018ێ هاتنه كوشتن و پارتیا كاركه‌ران مرنا وان ڤه‌شارتی هشتبوو.
پارتیا كاركه‌ران هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان ناسنامه‌یا وان ئیفشا نه‌كربه.
